| 我達が生まり島（2002シングル・バージョン）下地勇 | 下地勇 | 下地勇 | 下地勇 | 島袋優・徳嶺勝也 | 南(ぱい)からぬ風(かじ)ぬサヤサヤち涼(すだす)きなり プーギスぬ葉(ぱー)ゆ撫(な)でぃ お爺達(じいた)が馬車(ばしゃ)や毎日(まいにつ)すとぅむてぃ 東(あがず)ざぁ道小(んつがま)から畑(ぱり)んかい お婆達(ばぁた)や茶(つぁ)ゆ沸(ふ)かし神(かん)かいすきぃ 「助(たす)き上手(どーず)ばしふぃーさまちタンディトートゥガナス」ちぃ 一番(いつばん)座(ざぁ)ぬ蚊帳(かや)ぬ中(なか)んな 童孫(わらびんまが)ぬきゃぬ寝(にぃ)ふぎゃずばしぃ 鼻(ぱな)ば吹きぃ寝(にぃ)っうﾞぃうー 東(あがん)にゃーぬ大祖父(うぷあーざ)や 戸口(やどぅふつ)ぬ横小(ゆかーらがま)ん座(びじ)ゅーてぃ ツカニ綱(づな)ゆ縫(ぬ)いうらます゜ 西(いす゜)にゃーぬ大祖母(うぷあーま)や 三番座小(さんばんざぁがま)ん座(びじ)ゅーてぃ 「一(ぴてぃ)つ二(ふた)つ」ちブーゆ紡(ん)みーうらます゜ 前(まえ)ばらぬ猫小(まゆがま)や しばらぬ犬小(いんがま)ん追(う)すかされー 綱引(つなび)きす四又(ゆまた)がみ逃(ぴん)ぎぃ回(まぁ)り 久(ふが)・松原(まつばら)ぬ区長(くちょう)や 公民館(こうみんかん)むスピーカーから やぐいばし国民年金(こくみんねんきん)納(うさ)みふぃーる ういがどう我達(ばんた)が生(ん)まり島(ずま) 愛(かな)す生(ん)まり島(ずま)野崎(ぬざき)ぬ風(かじ)や あ～あ 今(んなま)まい変(かぁ)わらだな涼(すだす)きなり吹(ふ)きうーなぁ パナリ島(ずま)ぬ西(いす゜)んかいばし また太陽(てぃだ)ぬ沈(すず)みぃぴす゜ 野崎(ぬざき)ぬ狭道小(いばんつがま)ゆ 一人(たけふー)し歩(あす)きうーちか お婆達(ばぁた)が庭中(みなか)んうがなーり座(びじ)うてぃ 歩(あす)きー来(き)す我(ば)ぬー見(み)ぃつきうーてぃ かりゃー何処(んざ)ん家(やー)ぬ子(ふふぁ)が 誰(たー)がなす子(ふふぁ)が 長男(ちょうなん)なぁ次男(づなん)なぁち 仕事(すぐとぅ)まいしーだな回(まぁ)りうらでぃや ちかがめ大事(だいず)なむぬ 職(しゅく)パギばしーどぅ回(まぁ)りーぅつぁアバイガアバイ 知(す)さーん振(ふす゜)ばし歩(あす)きうーすが 大概聞(たいがいきす)かれーどぅお婆達(ばぁた) 下(すた)んかいふつばし歩(あす)かだかならん 我達(ばんた)が野崎(ぬざき゜)ぬ狭道小(いばんつがま) 西(いす)にゃーぬお爺(じい)が弾(ぴす)きぃうたー 三味線(さんむしん)ぬ音小(にーがま)ぬ忘(ばっし)れぇん 我達(ばんた)がお爺(じい)がぴしゅうたー ピーぬ臭(ふさ)さぬ忘(ばっし)れぇん ピスダぬ御嶽(うたき)ぬ前(まい)んき飲(ぬ)んたー 甘(あず)ま玄米(んきす)ぬ味(あず)ぬ忘(ばっし)れぇん 我達(ばんた)がお婆(ばぁ)がうぬすく煮(にー)ふぃーたー 大根汁(うぷにずー)ぬ美味(んま)さぬ今(んなま)がみまい忘(ばっし)れぇん ういがどぅ我達(ばんた)が生(ん)まり島(ずま) 愛(かな)す生(ん)まり島(ずま)綱引き(つなぴす)きす四又(ゆまた)ぬ 雀小(ましゃがま)ぬきゃや あ～あ 今日(きゅう)まい変(かぁ)らだな うまかま飛(とぅ)び回(まぁ)りぅーべやー すとぅむてぃんな雀小(ましゃがま)ぬ鳴(な)きす声(くい)し 起(う)きみぃぶすむぬ 北(うぃ)ぬ畑(ぱり)ぬ東側(あがんなぎ)ぬ間小(ばしがま) 芋(んーむ)ゆかじぅーお婆達(ばぁた)がどぅ居(う)たぁ クバ笠(がさ)ゆかっうﾞぃー 汗(あし)やタス゜ち掻(か)きー 馬(ぬーま)んかい鍬(すき)ゆ牽(ぴす)きしみす゜ お爺達(じいた)がどぅ居(う)たぁ ズガキスぬ浜(ぱま)から小(いみ)サバニ小(がま)ん乗(ぬ)ぅりぃ 魚(いす)ゆ捕(とぅ)がち出(い)でぃーぴす゜ お父達(とうた)がどぅ居(う)たぁ 大(がば)しゃー盥(たらす゜)ゆ頭(かなます゜)ぬ上(わーび)ん乗(ぬ)ぅしぃ 平良(ひ゜さら)んきぃ魚(いす゜)ゆ売(う)がちぴす゜ 母(かぁ)ちゃん達(た)がどぅ居(う)たぁ 働(ぱたら)き 働(ぱたら)き 休(ゆく)う暇(まどぅ)やーつ無(にゃ)ぁだなうぬすく働(ぱたら)き 子供達(ふふぁぬきゃ)ゆぷどぅわしみ 明日(あっつぁ)まいまた働(ぱたら)きがーち 一人(たふけー) また一人(たふけー)ちぃ 子供達(ふふぁぬきゃ)家(やー)ゆ出(ぱす゜)でぃぴりぃ 暗々(ふふぁーふふぁ)ぬ二番座小(にばんざぁがま)んな 淋(さび)すきなり夕飯(ゆーずふぁ)ゆ食いうー 父母(い゜ざんま)ぬどぅ居(う)ー まーんちうぃどぅ我達(ばんた)が生(ん)まり島(ずま) いつがみまい忘(ばっし)れぇん愛(かな)す宮古(みゃーく) あ～あ 老人若者(うぃぴとぅばかむぬ) 心(くくる)や一(ぴてぃ)つんなりうーてぃ 肝小(き゜むがま)ん染(す)みうかでぃ我達(ばんた)が生(ん)まり島(ずま) いつがみまい忘(ばっし)だなうらでぃ 我達(ばんた)が生(ん)まり島(ずま) |
| 大和ぬ風下地勇 | 下地勇 | 下地勇 | 下地勇 | 下地勇・徳嶺勝也 | “ハイ、タバコ吹きゃ!貴方(うう゜ぁ)タバコを吹かだか まず んざぬが痛(や)んがぁ” 大和(やまとぅ)んきタバコを吹き゜習い クキークキ島(すま)んかい戻(むどぅ)り来(き)たー我(ばん)かい 母ちゃんが どぅあーし゜ゅーたー事(くとぅ) 今(んなま)どぅーら 思(うむ)す゜出(でぃ)れー “母ちゃん!我(ぱ)や大和(やまとぅ)んき さーち働(ぱたら)き 銭(じん)ぬ儲(もう)き来うじゃばやい” 大口(うぷふつ)ばたたき 旅(たびす)んかいてぃ出(ぱす゜)でぃぴす゜たーすがどぅ んぞーさ銭(じん)なにゃーだな 明日(あつぁ)まい見いれん暮らすゆしゅーたー 何(のー)ぬ為(たみ)んが 我(ば)や島(すま)を出(ぱす゜)でぃ来(き゜)たーがーら 銭(じん)ぬにゃだか 心(ぎむ)ぬ底(すく)がみ 寒(び)しむぬ 我(ば)がどぅかんしうーてぃや 思(うむ)いまいみーんだら 母ちゃん やぐみ子(ふふぉ)をどぅ産(な)しゅーき゜てぃ ぷじ笑(あま)いふぃーる 大和(やまとぅ)ぬ風(かじ)や寒(ぴ)しむぬどー コートぬにゃーだか 死(す)なっでぃどぅうー “ハイ 君(うう゜ぁ) まーんてぃや くまぬ家(やー)ぬ子(ふふぉ)あらんやば ずー 我(ばん)とぅまーつき行かでぃ” アラブぬ石油王がどぅ 寝(に)っう゛ゅう我(ば)が 枕(まっふぁ)ぬ横(ゆかー)らん来(き゜)すてぃ プールつきぬ大邸宅(だいばんやー)んかい さーりー行かれす゜夢(いみ)小(がま)を見いたー “ぴるますむぬ アラブ人(ぴとぅ)ぬどぅ宮古口(みゃーくふつ)うあーし゜ゅーてぃや うりぇ のーてぃぬばーがーら” かんし思(うむ)うた時(とうきゃ)んどぅ ビシ゜ャッてぃ夢(いみ)から目覚(みす)り “汝死(うう゜ぁす)んがみ働(ぱたら)かだなならんどー” 神(かん)ぬ声(くい)ぬ聞(き゜)かれーたー アイロンぬ一(ぴてぃ)つやーつ かきつぁーまい知(す)さん まかす゜道具(どうう゜)ぬ一(ぴてぃ)つ すずみれーん すきゃーりアパートぬ部屋ん 一人(たけふー)座(び)し゜ぃ 自分(どぅー)が道(んつ)ゆ めーげー見い ただういがまし 負きれーでぃが 貴方(うう゜ぁ)が子(ふふぁ)やむぬ我(ば)や 貴方(うう゜ぁ)が子(ふふぁ) “ハイ 貴方(うう゜ぁ) 盆(すとぅ)月(がつ)んな 島(ずま)んかい口(ふつ)ばし 向(んか)いのーす゜ ゆしーるよー マイフカ” 銭(じん)まい線香(こう)まいにゃーん我(ばん)かい 電話ゆしーふぃーたー母ちゃん アパートぬ階段うーてぃ 島(ずま)んかい口(ふつ)ばし 手(てぃー)ゆかみたー 立てぃ味噌(んす)がもうまい飲(ぬ)み 自分(どぅー)が島(ずま)ぬ事(くとぅ)うまい ぴょうすんな思(うむ)す゜出しよー 自分(どぅー)し作(つふ)たー味噌(んす)ゆ ならんてぃすすけー 送(うく)りふぃーたー母ちゃん あすがどぅガス代 まい払いうらんやば ういが飲まれーでぃが あんしゅーてぃまい あてぃやーすかいば 冷(ぴぐる)水んかい味噌(んす)う入し゜ ぐずぐずてぃ 飲(ぬ)みみーるばどぅ 涙(なだ)や出(い)でぃ 母ちゃん 冷(ぴぐる)立てぃ味噌(んす)やすが うわが香ざ しーどぅーど すまんど まーんてぃ 味噌(んす)や水んな溶(とぅ)きん 貴方(うう゜ぁ)がめ まんてぃぬ プリムヌてぃ んな一回 我(ば)ぬぅ いし゜ふぃーる 生(ん)まり島(ずま)ぬ海(いん)む 思(うむ)い出し 貴方(うう゜ぁ)が子(ふふぁ)やむぬ我(ば)や 貴方(うう゜ぁ)が子(ふふぁ) |
| おばぁ（オリジナル・バージョン）下地勇 | 下地勇 | 下地勇 | 下地勇 | | 貴方(うう゛ぁ)のーてぃ我(ばん)かい ぴらでぃてぃまいにゃーだな 我(ば)ぬぅ一人(たふけー)置(う)つぎー 先(さだ)りーぴずがてぃ 冷(ぴぐ)りーぴす゜おじぃが 顔(みはな)ゆ撫でぃ おばぁが目(みー)から 涙(なだ)ぬ落(う)てぃーぴす゜ いつぬ時(とぅきゃ)んまい 二人(ふたーす゜)まーつき 今日(きゅう)がみ歩(あす)きー来(き゜)てぃ のーてぃがー 家(やー)ぬうまかま 貴方(うう゛ぁ)が香ざ 未(んな)だ残(ぬく)りうー のーてぃ 貴方(うう゛ぁ)すなーし 先(さだ)りぴずがー 貴方(うう゛ぁ)が植(い)びたーブーギ゜まい 見守(みばか)りうたー畑(ばり)まい つかないうたー馬(ぬーま)まい山羊(ぴんざ)まい 貴方(うう゛ぁ)がみーだか のーばしすーでぃが 起(う)きる 起(う)きてぃ 我(ば)が顔(みぱな)ゆ見(み)い笑(あま)いふぃーる おじぃがみーんふなりから 馬(ぬーま)まい山羊(ぴんざ)まい売(う)う゛ぁれーぴりー うぬ家(やー)んなおばぁが他(ぷか)んな 誰(とー)まいみーんふなりー 夜(ゆにゃん)なす゜ちか一人(たふけー) タ飯(ゆーず)ゆ喰(ふぉ)うー事(くとぅ)ぬ あてぃ淋(さび)すかーば 毎日(まいにつ)泣きうたー 汝(うう゛ぁ)が作(つ)ふ 魚(いす゜)ぬ塩煮(まーすにー)ぬ 一番(いつばん)んまむぬてぃ 酒小飲(さきがまぬ)んしゃーな 笑(あま)いうたーくとぅ 昨日(き゜ぬ)ぬ事(くとぅ)んだかり 思(うむ)す゜出(でぃ)れーきし 「いくらまい煮(に)いふぃーでぃ 貴方(うう゛ぁ)が戻(たどぅ)り来(く)うでぃやてぃかー｣ アアアーア? 日数(ぴかず)やまた過ぎぴりー 涼(すだ)す南風(ばいかじ)ぬ吹きーきしば おばぁや 曲がりーぴす゜腰(くす)ゆ持(む)たぎ始(ぱず)み 子供達(ふふぁぬきゃん) 孫達(まがぬきゃ) 我(ば)が見守(みばか)りいかた゜かならんてぃ 今日(きゅう)まい 嬉(ぷから)すきなり笑(あま)いーうー おばぁ ぷじ 今(んなま)からまい 元気(がんづぅ)かりうーてぃ いつがみまい いつがみまい 長生きゆしーふぃーさまち [訳文] あなた なぜ私に さよならも言わず 私ひとり置いて 先に逝くの 冷たくなるおじぃの顔を撫でながら おばぁの目から 涙が落ちていく どんな時も 二人一緒に 今日まで歩いてきたのに どうして… 家の中のあちこちに あなたの香りがまだ残っている なのにどうして あなたは黙って 先に逝ってしまうの あなたが植えたさとうきびも 見守ってきた畑も 養ってきた馬もヤギも あなたがいないと どうしたらいいの 起きて 起きて私の顔を見て笑ってちょうだい おじぃがいなくなり 馬もヤギも売られていき この家にはおばぁ以外 もう誰もいない 夜になるとたった独り 夕飯を食べる あまりの淋しさに おばぁは毎日泣いていた 「お前がつくる魚の塩煮が 一番おいしいよ」と言って 泡盛飲みながら 笑っていたこと まるで昨日のことのように 思い出されて 「いくらでもつくってあげる あなたがここに戻ってきてくれるなら」 アアアーア？ 時は過ぎ去り 涼しい南風が吹きはじめる頃 おばぁは 曲がりゆく腰を持ち上げ (離れて住む)子供達 孫達を見守っていかなくてはと 嬉しそうに微笑んでいる おばぁ どうぞこれからも元気で いつまでも いつまでも 長生きしてください |
| 帰る場所下地勇 | 下地勇 | 下地勇 | 下地勇 | | 赤花咲き゜浜(ぱま)ん 笑(あま)い声(ぐい)ぬ響(とぅゆ)み 魚(いす゜)う釣(ふふぁ)す 子供達(やらびぬきゃ) 今日(きゅう)ぬ風(かじ)ぬ中ん 遠(あが)た昔(んきゃー) くまん居(う)たー 我達(ぱんと)を 見いうーん如(ねー)し 不漁(いすぱぎ)やらばまい 釣糸(てぃふず)沈(すず)まし 風(かじ)ぬ柔(やぱ)さん 海(いん)かいてぃ出(い)でぃうたーサバニまい今(んなま)や 浜(ぱま)ん座(び)し゜ーばーきうー 赤自転車 乗(ぬう)りーどぅ 君(うう”ぁ)とぅ釣糸買(てぃふずこ)うが ういだきし 他(ぷか)んな何(のー)まい 望(ぬず)む物(むぬ)や無(にゃ)あだん 一(ぴてぃ)つぬ竿(そう)と一(ぴてぃ)つぬ釣糸(てぃふず)し 夢(いみ)ゆ見いうたー かぬ風(かじ) かぬ波(なん) かぬ笑(あま)い声(ぐぃ) くまん来(き)しば ありゅう 何(のー)ばし 意地(いづ)あいてぃ たばりうらばまい 心(き゜む)ぬ持(む)ただか 戻(むどぅ)り来うでぃくまん 今日(きゅう)ぬ風(かじ)だき 咲きうー うぬ浜(ぱま)ん 変(かあ)りうらん うぬ浜(ぱま)ん |
| 3%下地勇 | 下地勇 | 下地勇 | 下地勇 | 3%バンド・下地勇 | 大概(たいがい)ぬ人(ぴすとぅ)や 生きでぃうー事(くとぅ)う ぷからすてぃ思(うむ)い 明日(あつぁ)ん繋(つな)ぎいかでぃてぃどぅ考いうー 3％ぬ人(ぴすとぅ)ぬどぅ己(どぅー)や何(のー)ぬ為(たみ)んが 生きでぃーうーがーてぃ 頭(かなます゜)う傾(かたふ)かしうー 大概(たいがい)ぬ人(ぴすとぅ)や やまかさぬ人(ぴすとぅ)からぬ恩義(うんぎ゜)う感じ うるう返(かい)さでぃてぃどぅ思(うむ)いうー 3％ぬ人(ぴすとぅ)ぬどぅ 返(かい)しふぃーす 恩義(うんぎﾟ)う計算(さんみん)なしー 人(ぴすとぅ)んかい被(かっ)う゜ぁしうー 3％ゆ 君(ううﾞぁ) のーばし思(うむ)う? oh! あんしぬむぬな? あらだか まさーがん頭(かなます)う 抱(かか)いしみすﾟむぬな? 大概(たいがい)ぬ人(ぴすとぅ)や毎日(まいにつ)ぴにつ汗(あし)ゆ流し 己(どぅー)し働(ぱたら)きーどぅ生きﾟでぃーうー 3％ぬ人(ぴすとぅ)ぬどぅ 働(ぱたら)かれす゜身体(どぅー)ゆ持(む)ちゅうてぃ 童子(わらびふふぁ)んだかり親(うや)ぬ銭(じん)しどぅ食(ふぁ)いうー 大概(たいがい)ぬ人(ぴすとぅ)や 君(ううﾞぁ)んかい手(てぃー)ゆ伸(ん)ばし 君(ううﾞぁ)が事(くとぅ)う望(ぬず)まばまいじょうぶんてぃ どぅ思(うむ)いうー 3％ぬ人(ぴすとぅ)どぅ 君(ううﾞぁ)が事(くとぅ)う 妬(にた)ぎなりザニフキてぃどぅ思(うむ)いうー 3％ゆ 君(ううﾞぁ) のーばし思(うむ)う? oh! いきゃらふたーな? あらだか まさーがん 君(ううﾞぁ)が心(ぎむ)う痛(や)みしみすﾟむぬな? 大概(たいがい)ぬ人(ぴすとぅ)や働(ぱたら)かばん働(ぱたら)かばん 富豪(うやき)から無視(みっふぁ)されーどぅうーてぃ思(うむ)いうー 3％ぬ人(ぴすとぅ)ぬどぅ他人(ぴすとぅ)ぬむてぃまい余りから持(む)ちー 大富豪(うやき)んどぅなりうー 大概(たいがい)ぬ人(ぴすとぅ)や 己(どぅー)し決みらいん人生(んつ)ん心病(き゜むや)み あまなーすﾟ世(ゆー)う望(ぬず)みーどぅうー 3％ぬ人(ぴすとぅ)ぬどぅ ういとぉー縛(すま)り 勝手(かってぃ)ゆ許さーまてぃどぅ目(みー)や光(ぴすか)りーうー 3％ゆ 君(ううﾞぁ) のーばし思(うむ)う? oh! あんしぬむぬな? あらだか 歪(ゆが)みーうー世(ゆー)う いぴっつぁやらばん 考いみーでぃな? 大概(たいがい)ぬ人(ぴすとぅ)や神(かん)む信じ 抱(かふた)きがまーしー助きふぃーさまちてぃどぅ願(にが)いうー 3％ぬ人(ぴすとぅ)ぬどぅ己(どぅー)が外(ぷか)や何(のー)ゆまい 信じたっふぁにゃーんてぃどぅ思(うむ)いうー 大概(たいがい)ぬ人(ぴすとぅ)や大世(うぷゆー)ぬ和合ゆ 心(ぎむ)ぬ底(すく)から願(にが)いがましどぅうー 3％ぬ人(ぴすとぅ)ぬどぅ 誰(とー)がらとぅいつまい喧嘩(おおみゃー)ゆしーっでぃどぅ きぎー回(まあ)りゅう 3％ゆ 君(ううﾞぁ) のーばし思う? oh! いきゃらふたーな? あらだか 何(なう)がらあすだかならんてぃ 考いしみすﾟ事(くとぅ)な? 3％や 心配(しゅわー)にゃーんな? 3％や いきゃらふたーな? 3％や 何(のー)まいあらんな? 3％ゆ 無視(みっふぁ)しうらでぃな? 3％や 見いん振(ふすﾟ)さﾟしーらいんな? 3％ゆ 許さーまな? 3％んかい 立ち向かいいかでぃな? 3％とぅ まーつきうらでぃな? 3％ゆ 君(ううﾞぁ) のーばし思う? 3％ゆ 君(ううﾞぁ) のーばし思う? |
| ハイ アグ下地勇 | 下地勇 | 下地勇 | 下地勇 | 下地勇&開拓バンド | ハイ!アグ 君今(ううﾟぁんなま)から何処(んざ)んかいてぃくっうﾞゅーが? ぴょーすんな酒小(さきがま)を 飲(ぬ)んがつな君(ううﾟぁ)とぅ話(ぱなす)しーでぃ 今(んなま)から我(ば)が回(まー)り来(く)うっじゃば 風(かじ)や庭(みなか)中ん照(てぃ)りゃがりうー 何(のー)まいにゃーだな 遊(あす)ぴばーきうたー 昔(んきゃー)ぬ君(うう゜ぁ)とぅ我如(ばんにゃー)し 思い出を 語り合おう あの夏に落し物をして my dream いまだ探せずに 心だけさまよってる ハイ!アグ 今日(きゅう)の夜(ゆー)や我(ば)ぬいしﾟふぃーる 長いふ君(ううﾟぁ)とぅや口(ふつ)がーまいしゅーらんすが 思(うむ)うがにゃーん あらーから物(むぬ)うあーしﾟふぃーるよ 暇(まどぅ)んな 君(ううﾟぁ)とぅばーきどぅうたー 物(むぬ)やゆだなまい 心(きﾟむ)し いつからがーら 見いらんふなり 日数(ぴかず)とぅまーつき消(きゃあ)りーぴすﾟんだかり お互いに 夢語った あの海に沈む夕日眺めて my friend 変わってないのは あの日見た景色だけ 昔(んきゃー)ん見いたー 門(ぞー)の石垣(いすがぎ)ぬ びすﾟだーびすﾟだーどぅ 見いれいうー 何(のー)てぃがーら 今宵お前と 飲み明かそう あの頃のままの気持ちになって our memories いつまでも胸に 色褪せないように 思い出を 語り合おう あの夏に落し物をして my dream いまだ探せずに 心だけさまよってる |
| ラストワルツ（ストリングス・バージョン）下地勇 | 下地勇 | 下地勇 | 下地勇 | | 幾度(いふん)が汝(うう゛ぁ)とぅDance 踊(ぶどぅ)す゜たーがーら んにゃ二度(ふたん)ちゃ無(にゃー)ん 汝(うう゛ぁ)とぅぬLast Waltz 宿命(さだみ)ぬどぅ二人(ふたーす゜)ゆ 引(ぴす)き゜離(ぱな)しぴす゜ 止(ゆどぅ)まだな 踊(ぶどぅ)らだか 息(いき゜)まいあすかにーどぅー 今宵(くゆい)とぅ同(ゆぬ) 月(つき゜)ぬ夜(ゆない)んな 思(うむ)す゜出(い)だしふぃーる うぬLast Waltz なまじゃーかがみDance 踊(ぶどぅ)りゅうーてぃまい 胸(んに)や締(し)みれいぴす゜ 汝(うう゛ぁ)とぅぬLast Waltz 生き゜でぃ涙(むどぅ)れいちか 汝(うう゛ぉ)を抱(かふた)き゜欲(ぶ)さぬ うぬ想(うむ)いぬ 叶(かな)あんちや 知しうりてぃまいどぅ 今宵(くゆい)とぅ同(ゆぬ) 星(ぶす)ぬ夜(ゆない)んな 思(うむ)す゜出(い)だしふぃーる うぬLast Waltz 星(ぶす)ぬ一(ぴてぃ)つ消(きゃあ)りー 花(ぱな)ぬ一(ぴてぃ)つ落(う)てぃたー 戻(むどぅ)す゜切(き゜)されーん時間(ずかん)だきぬ 歩(あす゜)きぴす情(じょう)や一つ無(にゃー)ん世(ゆー) 乾(かーら)きゅう風(かじ)ん 鐘(かに)ぬ音(にー)や響(とぅゆ)み 何(のー)やーつしーらいん 宿命(さだみ)う担(くん)ぎ 守(まむ)す゜為(たみ)んどぅ 汝(うう゛ぁ)を離(ばな)り 守(まむ)す゜為(たみ)んどぅ 二度(ふたん)ちや出逢(いでぃあ)れーん 二度(ふたん)ちや出逢(いでぃあ)れーん 二度(ふたん)ちや無(にゃー)ん 汝(うう゛ぁ)とぅぬLast Waltz |
| 浜辺の老人下地勇 | 下地勇 | 下地勇 | 下地勇 | | ハイ童(やらび)! 汝何処(うう゛ぁんざ)ぬ家(やー)ぬ子(ふふぁ)が? 我(ぱ)がどぅ かまーぬモクモー木(ぎー)ぬ下(すたーら)から海(いんむ)う眺み うーちか 汝(うう゛ぁ) いつまい決まりーどぅくまん座(び)し゜ゅう てぃどぅ(いす゜ぅ)喰(ふ)ふぁしゅうやー あすが汝(うう゛ぁ)竿(そー)ぬ曲がりうーとぅくのを我(ぱ)や見いたー 事無(くとぅにゃー)んぎなり思(うむ)うすが... あしてぃ いつまい汝(うう゛ぁ)が一人(たふけー)ばーきやい 友達(あぐぬきゃ)あ かまーぬ先(さき゜)ぬ方(かた)んきどぅ うがなーり喰(ふ)ふぁ しうーんぎなりうーすが 汝(うう゛ぁ)ぁいつーまい一人(たふけー)どぅくまん座(び)し゜ゅうやー 太陽(てぃだ)あ憩(ゆく)いどぅぴす゜やー 彼等(かいた)あ竿(そー)ゆ皆畳(んーなたぷ)ぎー家(やー)んかいちぴす゜やい あすが汝(うう゛ぁ)あ粘(にんばー)りくまん座(び)し゜ぃどぅ 竿(そー)ゆ持(む)ちゅうちぬばー き゜さーから見いうーてぃまい 汝(うう゛ぁ)がウキやガウガウ ちまいしーんや暗々(ふふぁーふふぁ)なりーどぅ ウキまい見いれーん のこんさー あがいすつ 喰(ふ)ふぁすとぅ 喰(ふ)ふぁさんとぅどぅ釣りちぬむのー ありゅーちんばや ちぃ 風(かじ)まい出(い)でぃきしゅう アニがどぅ夕飯(ゆうす゜)あ煮(にー)どぅ待ちゅうあらんな? んにゃ家(やー)んかいぴす゜どぅマスあらんな 待ちゅう人(ぴすとぅ)う心配(しば)をしーしみやならんやばやい ぷじ 早々(ぺーべー)ちがまし家(やー)んかいぴりよ 道(んつ)あ暗々(ふふぁーふふぁ)うーば、気や付きぴりに 我(ぱ)やぴらっどー 風(かじ)ぬ中ん消(け)りーぴす゜ 老人(うぃぴすとぅ)ぬ背中(くさんみ)う 風(かじ)ぬ中ん消(け)りーぴす゜ 老人(うぃぴすとぅ)ぬ背中(くさんみ)う 風(かじ)ぬ中ん消(け)りーぴす゜ 老人(うぃぴすとぅ)ぬ背中(くさんみ)う 見いうー人(そー)や 誰(とー)まい みーん 見いうー人(そー)や 誰(とー)まい みーん 誰(とー)まい みーん 誰(とー)まい みーん |
| あの夏の日下地勇 | 下地勇 | 下地勇 | 下地勇 | 下地勇&開拓バンド | アダン葉(ぱー)ぬ道(んつ) アグ達(たぁ)とぅ歩(あす)き゜たー 我(ば)が心(きﾟむ)ぬ島(すま) ナウサ道(んつ) 手綱持(たづなむ)つ爺(しゅう) 隣(とぅなず)ん座(び)しﾟゅう婆(あーま) 馬車ぬ後小(ちびがま)から ウギャスぬ実(みー)ゆ採(とぅ)い 笑(あま)い声(ぐい)ぬ里(さとぅ)ん響(とぅゆ)み 旅(たぴす)ぬアグぬきゃや島(すま)んかい 戻(むどぅ)り来(くぅ)んまま 学校からぬ道(んつ) 君(ううﾟぁ)とぅ喧嘩(あい)どぅ 泣かいしみた事(くとぅ) 心痛(きﾟむや)まし すまんてぃ君(ううﾟぁ)ん ただ一声(ぴとぅくい)だき 夜中(ゆなか) 戸(やどぅ)う叩(たた)きﾟたー 今(んなま)や持(む)ちーどぅうーべや 幼少頃(わらびぱだ)ぬ 濁(むぎゃぁ)りうらん心(きﾟむ) 君(ううﾟぁ)とぅまた島(すま)ぬ酒小(さきがま)ゆ 飲(ぬ)みみーぶす ウギャスぬ実(みー)ゆ採(とぅ)い 笑(あま)い声(ぐい)ぬ里(さとぅ)ん響(とぅゆ)み 登(ぬぶ)すﾟたー バンキﾟ木(ぎー) 遊(あす)ぴた納屋(なや)まい 今(んなま)や面影一(うむかぎぴてぃ)つにゃーん 旅(たびす)ぬアグぬきゃや島(すま)んかい 戻(むどぅ)り来(くう)んまま 君(ううﾟぁ)とぅまた島(すま)ぬ酒小(さきがま)ゆ 飲(ぬ)みみーぶす |
| 未開の地へ下地勇 | 下地勇 | 下地勇 | 下地勇 | | 前(まふきゃー)ん広(ぴす)がりゅう海(いん)む見いうー 見いやみん 新土地(みす゜づー)んかい向かい 今船(んなまふに)や 帆(ぶー)ゆ張(ば)りーどぅ 風(かじ)ゆ待ちゅう 生(ん)まり島(ずま)ん ぴらでぃちあんじ 心配(しば)とぅ夢(いみ)ゆ乗(ぬ)うしー 幼少頃(やらびぱだ)ん見いうたー海(いん)ま やがてぃや旅(たびす゜)んかいてぃ知しゅうたんぎどーり 波(なん)むゆどぅまし 風(かじ)ゆ呼(あ)びり 今(んなま)どぅやす゜ちどぅ 船(ふに)ゆ押(う)し あんしどぅ汝(うう゛ぁ)まい 歩(あす)きぴりちどぅ 習(なら)あしゅう ハイ 出逢おう サァ 出逢おう 星が導く夜に ハイ 出逢おう サァ 出逢おう 新しい夢に ハイ 出逢おう サァ 出逢おう 星が導く夜に ハイ 出逢おう サァ 出逢おう 新しい夢に ハイ 出逢おう サァ 出逢おう 星(ぶす)ぬ照(てぃ)らしゅう夜(ゆない)ん ハイ 出逢おう サァ 出逢おう 的(まと)をしーれす゜世(ゆー)ん |
| 誇り下地勇 | 下地勇 | 下地勇 | 下地勇 | 3%バンド・下地勇 | 君達(ううﾟぁた)ん語らしば 毎夜夜(まいゆーゆー)ぬ明きすきゃーどぅ 我達(ばんと)を語りうー 昔(んきゃーん)からくまんうーんぎなり 君達(ううﾟぁた)まーんてぃゆーどぅ知しーがみうー あし 歪(ゆが)ふがみにゃーんさい 夜(ゆー)や明きー いつまいぬ朝(すとぅむてい) 君達(ううﾟぁた)あーしゅうにゃーし 我達動(ばんとむゆ)きうらん 着しゅう服うどぅ 語らいうーんぎむぬ 魂(たますう)がみや 覗(ぬず)かいんむぬ 君達(ううﾟぁた)が捨てぃぴすﾟ石(いっす)うどぅ 我達(ばんた)やがいがいちどぅ拾(びす)いまーりゅう 我達(ばんた)がふみやみーん靴うどぅ 君達(ううﾟぁた)ぁ自慢(みゃーが)りうー あすが心配(しわ)ぁ無(にゃあ)んどー 我達(ばんた)ぁ昔(んきゃーん)からどぅ 君達(ううﾟぁと)を受き入りーどぅうー いぎゃんまい何(のー)まい無(にゃあ)んどー 我達今(ばんたんなま)からまい 君達(ううﾟぁと)を受き入りーいかでぃ 雨(あみ)や降(ふふぃ)い いつまいぬ夜(ゆない) 君達(ううﾟぁた)ぁ 我達(ばんた)んかいなすﾟぶすかーな? 傘(さな)ぬ下(すた)んかいや ぷじ入(ぱっじ)い来(く)う あすがならいんてぃ知しゅう人(そ)や 君達(ううﾟぁた)だらっさ 君達(ううﾟぁた)が遊(あす)ぴ回(まあ)りゅう場所(とぅくな)あ 我達(ばんた)が仕事場(すぐとぅ)んどぅなりゅう 我達(ばんた)が憩(ゆく)う場所(とぅくの)をどぅ 君達(ううﾟぁた)ぁ調び回(まあ)りゅう あすが何(のー)まい心配(しわ)ぁ無(にゃあ)んどー 我達(ばんた)ぁ昔(んきゃーん)からどぅ 善(ぞ)うかーにゃーんしーどぅ来しゅう あしばいぎゃんまい何(のー)まい無(にゃあ)んどー 我達(ばんた)ぁ明日(あつぁ)からまい 善(ぞ)うかーにゃーんしーいかでぃ あすが心配(しわ)ぁ無(にゃあ)んどー 何(のー)まい心配(しわ)ぁ無(にゃあ)んどー 悪事(ばくすとぅ)や何(のー)まい無(にゃあ)んど 何(のー)ぬが善(ぞ)うかーが あしてぃ何(のー)ぬが悪(ばす)かーが 何(のー)ゆ持(む)ちゅうらだかならんが あしてぃ何(のー)ゆ捨てぃでぃが 誰(とー)がらゆ見いうーてぃ 考いす゜むぬやあらん 誰(とー)がらぬ言葉(むぬす)し 変(か)いす゜事(くとぅ)まいあらん あすが 今(んなま)からまい付きーどぅ来(き゜)す いつがみまいたばりーどぅ来(き゜)す 子供達(はふぁぬきゃ)ぬ時代(ずだい) 孫達(んまがぬきゃ)ぬ時代(ずだい)がみ まーつき連(さあ)りー まーつき連(さあ)りー まーつき連(さあ)りー まーつき連(さあ)りー まーつき連(さあ)りー まーつき連(さあ)りー いつがみまい あすが心配(しわ)ぁ無(にゃあ)んどー 何(のー)まい心配(しわ)ぁ無(にゃあ)んどー 悪事(ばくすとぅ)や何(のー)まい無(にゃあ)んどー いぎゃんまい何(のー)まい無(にゃあ)んどー 我達(ばんた)ぁいぎゃんまい何(のー)まい無(にゃあ)んどー 今(んなま)からまい我達(ばんた)ぁ 今(んなま)からまい受き入りーいかでぃ 心配(しわ)ぁ無(にゃあ)んどー 心配(しわ)ぁ無(にゃあ)んんどー 心配(しわ)ぁ無(にゃあ)んどー 悪事(ばくすとぅ)や何(のー)まい 悪事(ばくすとぅ)や何(のー)まい無(にゃあ)んやば いぎゃんまい何(のー)まい無(にゃあ)んてぃあーしば 今(んなま)からまいいぎゃんまい何(のー)まい無(にゃあ)んてぃあーし゜ば あしば今(んなま)から我達(ばんた)ぁ君達(うう゜ぁと)を 受き入りーいかでぃ |
| Reset下地勇 | 下地勇 | 下地勇 | 下地勇 | | 捜(とぅ)みふぃーる 連(さー)りふぃーる 誰(とー)んまい見いらいん 見いらいん我(ば)ぬう 暗闇(ふふぁやんむ)ん 一(ぴてぃ)つぬ 明(あ)かりぬ 見いらいうー 呼(あ)びりゅう 貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう 捜(とぅ)みふぃーる 抱(かふた)きふぃーる 今消(んなまけー)りー 消(けー)りーぴす゜我(ば)ぬう 憎(にた)んむう 見いふぃーな 我(ば)がどぅ 見いらいんふなりば 呼(あ)びりゅう 貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう 呼(あ)びりゅう 我(ば)や貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう 呼(あ)びりゅう 我(ば)や貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう |
| アンターマナ下地勇 | 下地勇 | 下地勇 | 下地勇 | | アンターマナ アンターマナ アンターマナ アンターマナ 明日(あつぁ)や結婚式(ささぎ)てぃ 今日(きゅう)や飲(ぬ)までぃてぃ 踊(ぶどぅ)りみしでぃてぃ 皆揃(んーなする)い居(う)てぃ 明日(あつぁ)あ結婚祝(ささぎよーすﾟ)てぃ 今日(きゅう)や前祝(まいよーすﾟ)でぃかさでぃてぃ 飲(ぬ)まだなうらいん踊(ぶどぅ)らだなうらいんてぃ アグ達親戚皆揃(たーうつざんーなする)い居(うー)てぃ 明日(あつぁ)あ早(ぺえ)し起(う)きだかならんやばてぃ 今日(きゅう)やニーカがみ飲みやならんやばてぃ 前祝(まいよーすﾟ)んかいなりてぃ 翌日(ながつぁ)あ皆起(んーなう)きれーん アシバ アンターマナ アシバ アンターマナ アシバ アンターマナ アンターマナ アシバ アンターマナ アシバ アンターマナ アシバ アンターマナ アンターマナ 今日(きゅう)やうぬすくぬ 美(か)ぎ日数(ぴすかず)ばしゅーてぃ 結婚祝(ささぎよーすﾟ)ん 宮古(みゃーく)ぬ島(すま)ぬうまかまから 監視やまかさぬ人(ぴすとぅー)ぬ ガフてぃすすきゃーんめいふぃーさまいうーば 我達(ばんた)まーんてぃプカラスムヌ プカラサ スディガフー タンディガータンディ 老人若者揃(ういぴすとぅばかむぬする)い居(うー)てぃ 皆(んーな)が健康ゆば願(にが)いうーてぃ 明日(あつぁー)ぬ豊穣世(のーすﾟゆー)みるく世果報(ゆがふう) 魚(いすﾟ)大漁(でぃき) ブーギスぬ豊作(でぃき) しかいとぅ願(にが)いうーてぃゆつきみしでぃ ジャッティ グッティ皆(んーな)しサーてぃんきぎさまち アシバ アンターマナ アシバ アンターマナ アシバ アンターマナ アンターマナ アニムノピストー アニムノピストー アッチクヌンナヨ アッチクヌンナー イフンガアンター イフンガアンター アシバ アンターマナ アニムノピストー アニムノピストー アッチクヌンナヨ アッチクヌンナー イフンガアンター イフンガアンター アンターマナ アンターマナ アニムノピストー アニムノピストー アンシタキビューイー アンシタキビューイー イフンガアンター イフンガアンター アシバ アンターマナ アシバ アンターマナ アシバ アンターマナ アンターマナ ターターター 我(ば)ぬ呼(あ)びりゅう人(そ) ターターター 我(ば)ぬ呼(あ)びりゅう人(そ) トートートー 溢りっでぃどぅうー トートートー 溢りっでぃどぅうー チーチーチー チー立ちー 立ちてぃ家(やー)んかいぴらでぃ ズーズーズーズー ノーノーノー 何(のー)てぃがあーしﾟゅう ノーノーノー 何(のー)てぃまいどぅあーしﾟゅう クークークー くまんかい寄(ゆ)じ来(く)う クークークー くまんかいまい寄(ゆ)じ来(く)う ガーガー誰(たー)とぅがガーゆしゅう ガーガー誰(たー)とぅまいどぅガーゆしゅう ターターター 我(ば)ぬ呼(あ)びりゅう人(そ) ターターター 我(ば)ぬ呼(あ)びりゅう人(そ) トートートー 溢りっでぃどぅうー トートートー 溢りっでぃどぅうー チーチーチー チー立ちー 立ちてぃ家(やー)んかいぴらでぃ ズーズーズーズー アシバ アンターマナ アシバ アンターマナ アシバ アンターマナ アンターマナ アシバ アンターマナ アシバ アンターマナ アシバ アンターマナ アンターマナ |
| 親父へのアーグ下地勇 | 下地勇 | 下地勇 | 下地勇 | | 家(やー)んかい来(きﾟ)すちか むぬうばゆまん 肴(うさい)やカチューぬ刺身(なます)とぅ アースﾟぬ塩煮(まーすにー) ビール小(がも)を呑(ぬ)み テレビやNHK 薄暗(あやううﾟぁ)ーちぬ二番座(にばんざー)ん居(うー)てぃ ただ二度(ふたん)どぅ笑(あま)いす゜だき お父(とう)や恐(うとぅる)すかんち いっうﾟぃー回(まあ)りうたー幼少頃(やらびぱだ)まい 今(んなま)なりば懐(なつ)すむぬ 我等(ばんた)まいどぅ年(とぅす)う取(とぅ)いきしゅう 今日(きゅう)がーまーすぬ疲(ぶが)りや 門口(ぞうふつ)ん降(う)らしてぃ 明日(あっつぁ)ぬ心配(しば)まい無(にゃあ)ん振(ふ)す゜ばしーどぅ ビール小(がも)えお呑(ぬ)みーうー いつ世(ゆー)がみまい NHKや出(い)でぃうーば いつ世(ゆー)がみまい ビールまい刺身小(なますがま)まいありうーば いつ世(ゆー)がみまい 年(とぅす)さ取(とぅ)らばんまい ゆぬむぬやば いつ世(ゆー)がみまい 頑張(がんづぅ)かりー うりふぃーるよ 自分(どぅー)が一人(たけふー)しどぅ 成長(ぶどぅ)いたーんぎ顔(みぱな)をしー ブーギﾟなぎﾟ加勢(かしい)やーつ 繁多(ぱんた)かーばちどぅ逃(ぴん)ぎばーき回(まあ)り 子(ふふぁ)ぬきゃあ めーげーやーつ見いだな 自分(どぅー)が道(んつ)ゆーばきどぅ 歩(あす)きーうー あんしうすけー父母(すﾟさﾟんま) 七十(ななじゅう)歳んかいどぅなりーどぅ 一度(ぴすとぅん)ち座(び)しﾟちか 何ちやにゃーん んな一度(ぴすとぅん)立たん 太陽(てぃだ)ぬ憩(ゆく)いば ぴょーす小(がま)んな膝(つぐす)う撫(な)でぃ 今日(きゅう)捕(とぅ)いきﾟたー魚(いすﾟぅ)う 子(ふふぁ)ぬきゃぬむてぃちどぅ 段ボールんかい込(く)みーうー いつ世(ゆー)がみまい 父母(すﾟさﾟんま)や家ん居すﾟ むぬちどぅ思(うむ)いどぅうー いつ世(ゆー)がみまい ビール小(がも)を 呑(ぬ)みゅうむちどぅ思(うむ)いうー いつ世(ゆー)がみまい ブーギﾟう植(い)びうーぱずちどぅ思(うむ)いうー いつまい我等子(ばんたふふぁ)ぬきゃあ自分勝手(どぅーかってぃ)んどぅ かんし思(うむ)いうー サニツぬ シナかじ アガス゜ザー御嶽(うたき)ぬ ザーグル ズガキﾟ浜(ばま)ぬ ウガンバーリー 十五夜(じゅうぐや)ぬ シーサータース 時代(ずだい)や変(かあ)りーぴらばん 年(とぅす)取(とぅ)いぴらばん いつ世(ゆー)がみまい 忘(ばっし)やならんむぬぬ ありうーはず いつ世(ゆー)がみまい 山羊(ぴんざ)ぬ草(ふそ)を刈(か)りうり お父(とう) いつ世(ゆー)がみまい 舟小(ふにがま)ん乗(ぬう)り 魚(いすﾟ)捕(とぅ)いふり いつ世(ゆー)がみまい 段ボールん入しﾟ魚(いすﾟ)う送(うく)ふぃーる いつ世(ゆー)がみまい 頑張(がんづう)かり うりふぃーるよ いつ世(ゆー)がみまい NHKや出(い)でぃうーば いつ世(ゆー)がみまい ビールまい刺身小(なますがま)まいありうーば いつ世(ゆー)がみまい 年(とぅす)さ取(とぅ)らばんまい ゆぬむぬやば いつ世(ゆー)がみまい 頑張(がんづぅ)かりー うりふぃーるよ |
