開拓者

昔(んきゃーん) ぽうりーたー小種(いみさに)ぬ生長(ぷどぅ)い
今(んなま) 美(か)ぎ花(ばな) 咲かせっでぃうー
雨(あみ)ん風(かじ)ん 精一杯世話(にんなーりみばか)り
今(んなま) 美(か)ぎ花(ばな) 咲かせっでぃうー
あー 風(かじ)向き゚や変(かー)り
貴方(うう゚ぁ)が背中(くさんみ)ゆ強(つゆ)ふ押(う)し
さー 今(んなま)どぅやす゚ 有りゅうだきぬ力(つから)を出(い)だし

道(んつ)や無(にゃー)ん草原(ふさぬみー)ん今(んなま)
足(ぱぎ゚)ゆ出(い)だし道拓(んつあ)きる
心配(しゅわ)や無(にゃー)んど貴方(うう゚ぁ)が背後(ちび)んな
新道(あらんつ)待つ人(ぴとぅ)ぬどぅ満(ん)ちゅう
あー 子供達(やらびぬきゃ)ぬ声(くい)ゆ
聞(き゚)きがつな顔笑(みばなあま)い
さー 人々(ぴとぅ)ぬ為(たみ)ん有りゅうだきぬ汗(あし)ゆ出(い)だし

世(ゆー)変(かー)りどぅ
風(かじ)や押(う)しどぅ
太陽(てぃだ)や照(てぃ)らしどぅ
今(んなま)あらだか

疲(ぶが)り心治(き゚むのう)りゅうてぃ すがりみしる
神(かん)ぬ声(くい)ゆ聞(き)きゅうてぃ 歩(あす)きみしる

潮(すぅー)や満(ん)ちてぃ 鳥(とぅす゚)や鳴き
草花(ふさばな)や空(てぃん)かいてぃ伸(ん)びどぅぴす゚
貴方(うう゚ぁ)が歩(あす゚)き行かでぃてぃぬ道(んつ)ん
口(ふつ)ゆ出(い)だす人(ぴとぅ)やみーん
あー 心(き゚む)や踊(ぶどぅ)り体(どぅー)や軽々(かす゚かす゚)
前(まい)んかいてぃ足(ぱぎ゚)ゆ出(い)だし
さー やがてぃど蒔き゚たー種(さに)ゆ 今穣(んなまとぅ)らだか

世直(ゆーなう)らさでぃ
夢(いみ)ゆ担(かた)み
意地(いづ)あす゚だき
シッタイヒャー 前(まい)んかい

縛(すま)れいうー縄解(なーほどぅ)き 腰(くゆ)ゆ持(むた)ぎ
細(くまや)き計算捨(さんみんす)てぃ あまなーり動(むゆ)き

疲(ぶが)り心治(き゜むのう)りゅうてぃ すがりみしる
神(かん)ぬ声(くい)ゆ聞(き)きゅうてぃ 歩(あす)きみしる