| 開拓者下地勇 | 下地勇 | 下地勇 | 下地勇 | 島袋優・下地勇&開拓バンド | 昔(んきゃーん) ぽうりーたー小種(いみさに)ぬ生長(ぷどぅ)い 今(んなま) 美(か)ぎ花(ばな) 咲かせっでぃうー 雨(あみ)ん風(かじ)ん 精一杯世話(にんなーりみばか)り 今(んなま) 美(か)ぎ花(ばな) 咲かせっでぃうー あー 風(かじ)向きﾟや変(かー)り 貴方(ううﾟぁ)が背中(くさんみ)ゆ強(つゆ)ふ押(う)し さー 今(んなま)どぅやすﾟ 有りゅうだきぬ力(つから)を出(い)だし 道(んつ)や無(にゃー)ん草原(ふさぬみー)ん今(んなま) 足(ぱぎﾟ)ゆ出(い)だし道拓(んつあ)きる 心配(しゅわ)や無(にゃー)んど貴方(ううﾟぁ)が背後(ちび)んな 新道(あらんつ)待つ人(ぴとぅ)ぬどぅ満(ん)ちゅう あー 子供達(やらびぬきゃ)ぬ声(くい)ゆ 聞(きﾟ)きがつな顔笑(みばなあま)い さー 人々(ぴとぅ)ぬ為(たみ)ん有りゅうだきぬ汗(あし)ゆ出(い)だし 世(ゆー)変(かー)りどぅ 風(かじ)や押(う)しどぅ 太陽(てぃだ)や照(てぃ)らしどぅ 今(んなま)あらだか 疲(ぶが)り心治(きﾟむのう)りゅうてぃ すがりみしる 神(かん)ぬ声(くい)ゆ聞(き)きゅうてぃ 歩(あす)きみしる 潮(すぅー)や満(ん)ちてぃ 鳥(とぅすﾟ)や鳴き 草花(ふさばな)や空(てぃん)かいてぃ伸(ん)びどぅぴすﾟ 貴方(ううﾟぁ)が歩(あすﾟ)き行かでぃてぃぬ道(んつ)ん 口(ふつ)ゆ出(い)だす人(ぴとぅ)やみーん あー 心(きﾟむ)や踊(ぶどぅ)り体(どぅー)や軽々(かすﾟかすﾟ) 前(まい)んかいてぃ足(ぱぎﾟ)ゆ出(い)だし さー やがてぃど蒔きﾟたー種(さに)ゆ 今穣(んなまとぅ)らだか 世直(ゆーなう)らさでぃ 夢(いみ)ゆ担(かた)み 意地(いづ)あすﾟだき シッタイヒャー 前(まい)んかい 縛(すま)れいうー縄解(なーほどぅ)き 腰(くゆ)ゆ持(むた)ぎ 細(くまや)き計算捨(さんみんす)てぃ あまなーり動(むゆ)き 疲(ぶが)り心治(き゜むのう)りゅうてぃ すがりみしる 神(かん)ぬ声(くい)ゆ聞(き)きゅうてぃ 歩(あす)きみしる |
| 民衆の躍動下地勇 | 下地勇 | 下地勇 | 下地勇 | | 今宵(くゆい)君(うう゛ぁ)とぅやちか踊(ぶどぅ)りみしでぃ 踊(ぶどぅ)す゜つぁーまい何(のー)まい知(す)さーだらんまい 君(うう゛ぁ)が傍(すば)ん居(う)す゜ぶすかーてぃぬ心(ぎむ)ぬ 踊(ぶどぅ)りゃーみーん我(ぱ)ぬーまい踊(ぶどぅ)らしみす゜ 地(づー)ゆ這(ぱー)どぅりー 闇(やん)む手探(てぃーさどぅ)りー 落(う)てぃうー細銭(ぐまじん)ぬ拾(ぴす)いうーんだかり 前(まえ)ゆまい見いかに 道(んつ)ゆまい歩(あす)き゜かに 止(ゆどぅ)まっでぃぬ時(とぅきゃ)んどぅ 君(うう゛ぁ)とぅ出逢(いでぃお)うたー 今宵(くゆい)君(うう゛ぁ)とぅやちか踊(ぶどぅ)りみしでぃ 踊(ぶどぅ)す゜つぁーまい何(のー)まい知(す)さーだらんまい 君(うう゛ぁ)が傍(すば)ん居(う)す゜ぶすかーてぃぬ心(ぎむ)ぬ 踊(ぶどぅ)りゃーみーん我(ぱ)ぬーまい踊(ぶどぅ)らしみす゜ 地(づー)ゆ這(ぱー)どぅりー 闇(やん)む手探(てぃーさどぅ)りー 落(う)てぃうー細銭(ぐまじん)ぬ拾(ぴす)いうーんだかり 前(まえ)ゆまい見いかに 道(んつ)ゆまい歩(あす)き゜かに 止(ゆどぅ)まっでぃぬ時(とぅきゃ)んどぅ 君(うう゛ぁ)とぅ出逢(いでぃお)うたー あいどぅいー 君(うう゛ぁ)んどぅ我(ぱ)や惚(ぷ)りーにゃん まんちかんし思(うむ)うどまんち あいどぅいー 君(うう゛ぁ)んどぅ 我(ぱ)や死(す)んきゃ惚(ぷ)りーにゃん まんちかんし思(うむ)うどまんちかんし 心(ぎむ)ぬあす゜がんにゃーん 我(ば)が魂(たます)まい踊(ぶどぅ)らしみしでぃ あいどぅいー 君(うう゛ぁ)んどぅ我(ば)やまんてぃ 死(す)んきゃ惚(ぷ)りーにゃん あんしゅうてぃまい かんしゅうてぃまい 何(のー)ゆしゅうてぃまい 望(ぬず)まだなうらいん あいどぅいー 君(うう゛ぁ)んどぅ我(ば)やまんてぃ 死(す)んきゃ惚(ぷ)りーにゃん あんしゅうてぃまい かんしゅうてぃまい 何(のー)ゆしゅうてぃまい 望(ぬず)まだなうらいん 今宵(くゆい)君(うう゛ぁ)とぅやちか踊(ぶどぅ)りみしでぃ 踊(ぶどぅ)す゜つぁーまい何(のー)まい知(す)さーだらんまい 君(うう゛ぁ)が傍(すば)ん居(う)す゜ぶすかーてぃぬ心(ぎむ)ぬ 踊(ぶどぅ)りゃーみーん我(ぱ)ぬーまい踊(ぶどぅ)らしみす゜ 地(づー)ゆ這(ぱー)どぅりー 闇(やん)む手探(てぃーさどぅ)りー 落(う)てぃうー細銭(ぐまじん)ぬ拾(ぴす)いうーんだかり 前(まえ)ゆまい見いかに 道(んつ)ゆまい歩(あす)き゜かに 止(ゆどぅ)まっでぃぬ時(とぅきゃ)んどぅ 君(うう゛ぁ)とぅ出逢(いでぃお)うたー あいどぅいー 君(うう゛ぁ)んどぅ我(ぱ)や惚(ぷ)りーにゃん まんちかんし思(うむ)うどまんち あいどぅいー 君(うう゛ぁ)んどぅ 我(ぱ)や死(す)んきゃ惚(ぷ)りーにゃん まんちかんし思(うむ)うどまんちかんし 心(ぎむ)ぬあす゜がんにゃーん 我(ば)が魂(たます)まい踊(ぶどぅ)らしみしでぃ あいどぅいー 君(うう゛ぁ)んどぅ我(ぱ)やまんてぃ 死(す)んきゃ惚(ぷ)りーにゃん あんしゅうてぃまい かんしゅうてぃまい 何(のー)ゆしゅうてぃまい 望(ぬず)まだなうらいん あいどぅいー 君(うう゛ぁ)んどぅ我(ば)やまんてぃ 死(す)んきゃ惚(ぷ)りーにゃん あんしゅうてぃまい かんしゅうてぃまい 何(のー)ゆしゅうてぃまい 望(ぬず)まだなうらいん あいどぅいー 君(うう゛ぁ)んどぅ我(ば)やまんてぃ 死(す)んきゃ惚(ぷ)りーにゃん あんしゅうてぃまい かんしゅうてぃまい 何(のー)ゆしゅうてぃまい 望(ぬず)まだなうらいん あいどぅいー 君(うう゛ぁ)んどぅ我(ば)やまんてぃ 死(す)んきゃ惚(ぷ)りーにゃん あんしゅうてぃまい かんしゅうてぃまい 何(のー)ゆしゅうてぃまい 望(ぬず)まだなうらいん |
| 黄金の言葉下地勇 | 下地勇 | 下地勇 | 下地勇 | | 忘(ばっ)しっでぃしんまい忘(ばっ)しらいん一日(ぴとぅすﾟ) 酔(びゅう)いふさり 踊(ぶどぅ)り回(まあ)りゅーたー日々(ぴかず) かぬ女性(みどぅん)とぅ出会(いでゃ)いうらだか 遠(あが)た昔(んきゃー)ぬ話(ぱなす) アマン骨(ぷに)ぬ折(ぷ)りっでぃすすきゃーどぅ踊(ぶどぅ)り ジャッてぃグッてぃ飲んがつな貴方とぅ踊らでぃ アパラギ女性達(みどぅんた) 心(きﾟむ)ありゅーんぎ振(ふ)すﾟさﾟしー グールグールってぃ腰(くす)う回(まあ)らしどぅ あびりゅう 年末(しみゃー)ぬ夜(ゆない)がじゃみきﾟクラブ うまんまいかまんまい すぴす付きﾟ人々(ぴとぅぬきゃ) 人文持(ずんぶんむ)ちゃーや くまんなうらんぎどーり 欲(ゆく)ん喰(ふぁー)れい 酒(さき)ん喰(ふぁー)れい 女性達(みどぅんた)ぬ後(ちび)ゆ追(う)い 回(ま)りゅー男性達(ぴきとぅんた) スプースプーてぃ きふみきうーてぃまい にんなーり ブスﾟサﾟブスﾟサﾟってぃ むぬや聞(きﾟ)かいん中ん 思(うむ)いまいみーん黄金言葉(くがにくとぅば) ナマジャーカぬクラブ 時間(づかん)な止(ゆどぅ)みーどぅ 鳥肌(さんぎ)まい立たっでぃ 人生(んつ)ぬ見いらいたー アーヤガアーヤ 垢(なば)ぬ落(う)てぃーぴすﾟ あんしぬ事象(じしょう)てぃやありゃーみーん 世(ゆー)ぬ広(ぴす)がりぴす゜ アーヤガアーヤ 飛(とぅ)びーどぅインガナス まないぎ口(ふつ)から出(い)でぃた 世(ゆー)ゆ覆(かいら)す言葉(くとぅば) アンマースクラブんな終了(とぅずみ)てぃや見いらいん ぴゃーすぱい男性達(ぴきとぅんた) 夜(ゆー)ぬ明きすﾟきゃーどぅ踊(ぶどぅ)りゅう 煙返(きびゃがい)りゅうクラブんな 欲(ゆく)ぬばーきどぅ散(すきゃあ)りうー 明日(あつぁ)やらばん 来年(やーに)やらばん 変(かあ)らでぃが 何(のー)まい無(にゃあ)っだんぎなり うぬ女性(みどぅん)ま シャーカぬ風(かじ)ん吹かれ消(きゃあ)りたー 残(ぬく)すﾟたーむのー 酒(さき)とぅ煙(きふ)ぬ香(か)じゃ あしてぃ欲(ゆく)ん喰(ふぁあ)れーぬ 偉(やぐ)み男性達(ぴきとぅんた) |
| サバぬにゃーん(Lost my sandal)下地勇 | 下地勇 | JESSE FULLER | JESSE FULLER | 下地勇&開拓バンド | サバぬにゃーん 我(ば)がサバぬ 買い来(きﾟ)たー高代新(たかだいあら)サバぬにゃーん 東家(あがにゃー)んき祝食(よーすﾟふぉ)うがでぃ行きしてぃ 家(やー)んかいてぃ立ちば 我(ば)がサバぬにゃーん 北家(しばら)ぬ兄(すざ)がどぅ ふみぴすたーべーや 西家(いすﾟにゃー)ぬお父がどぅ知(す)さーだな ふみぴりゅーきﾟべーや アバイガアバイ 野崎(ぬざきﾟ)お父達(た)がふみまーりゅうサバや あてぃか んーな 他人(ぴとぅ)ぬサバべーや 70歳(ななじゅう)ぬ祝(よーすﾟ) 今年(くぬすﾟ)やあどぅら19軒招(とぅーきゅーきうかに)れいうー 祝代(よーす)ゆ持(む)ち行かだかならんすが 牛(うす)う売うﾟぁだか足らん アガイスツ ンニャ 我等(ばんたー)のーばし 今(んなま)から食(ふぁ)いいかでぃが 誰(たー)が食(ふぁー)でぃてぃまいにゃーん 19箱(ぱく)折箱(おりばく)ゆ貰(むら)い来(き)し お父達(た)がサバばーき島中(すまんーな)回り 少(いぴ)っつぁがま考いだかならんど 我等(ばんた)が野崎(ぬざきﾟ)ぬ風習 おばぁがどぅみーん 我等(ばんた)がおばぁが 80歳(はちじゅう)なすﾟおばぁがどぅ みーん 山羊(ぴんざ)ぬ草(ふそ)を刈すﾟがてぃ 家(やー)ゆ出(ばすﾟ)でぃぴすたーべーてぃ 思(うむ)うてぃか 戻(むどぅ)り来(くう)ん 大事(だいず)なむぬてぃ島中探(すまんーなとぅ)み回(まー)りゅうばどぅ ピスダぬ御嶽(うたき)ぬ中んどぅ籠(くま)りうたー 芋(んー)ブースﾟぬ願(にが)すﾟてぃあーてぃか 3日間御嶽(んーすかうたき)ぬ中ん籠(くま) 神(間)かい願(にが)あだかならんつぁ 手足(てぃーぱず)や蚊(かざん)ん食(ふふぁ)れー トートゥガナスてぃ我等(ばんた)がおばぁ 朝(すとぅむてぃ)から晩(ゆさらび)がみ水まい浴みだな 何(のー)ゆがうぬすく神(かん)かい願(にが)う事(くとぅ)ぬあーがーら 里(さとぅ)ぬ役員ゆしゅうお父達(とうた)まい 蚊取り線香まい持(む)ち来(きﾟ)す ウオースムヌどー まんてぃ 我等(ばんた)が野崎(ぬざきﾟ)ぬ風習 我等(ばんた)がおばぁや膝痛(つぐすや)んばし アガイガクガイ おじぃが褌(さなづ)やーつ洗(あろ)うかにうりてぃまい ザーぬ前(まい)がみ歩(あす)き行きしてぃ 今年(くぬすﾟ)ぬ世(ゆー)や直(なう)らし来年(やーに)が世(ゆー)や まさり直(なう)らし腹満(ばたん)たしてぃ んざんが あんしぎ元気(いづ)ぬがあーがーら 雨乞(あまぐ)いぬくいちゃーゆどぅう踊(ぶどぅ)りゅう 何(のー)ぬが足らん 何(のー)ぬが悪(ばす)かーてぃ 今(んなま)若者(ばかむぬ)ぬきゃ 女性(みどぅん) 男性(ぴきどぅん) 口向(ふつん)きゃーばし チュッチュッてぃ 自分(どぅー)が前(まふ)きゃやーつ見いだな歩(あす)き回り 野崎(ぬざきﾟ)ぬ公民館かい来(き)し見いみーる おばぁたが意地(いっづ)ん習い 肖(あよーか)り 考いみーてぃか善所(ぞーとぅく)まいどぅあー 我等(ばんた)が野崎(ぬざきﾟ)ぬ風習 あすがどぅ 少(いびっ)つぁがま見直さだかならんど 我等(ばんた)が野崎(ぬざきﾟ)ぬしきたり 見いやみーんサバゆ 我等(ばんた)がお父や今日(きゅう)まいふみ回(まあ)りゅう |
| 信念の道 西へ下地勇 | 下地勇 | 下地勇 | 下地勇 | 3%バンド・下地勇 | 東(あがすﾟ)かい 東(あがすﾟ)んかいてぃどぅ 動(むゆ)きﾟ人々(ぴすとぅぬきゃ) うまから離(ぱな)りーぴす人(ぴすとぅ)や皆(んーな) 東(あがす゜)んかいばし 東(あがす゜)かい 東(あがす゜)んかいてぃうーば 我(ばん)まいどー 彼(かい)まいぴりば 皆(んーな)がぴりば 我(ばん)まいてぃぬ人(ぴすとぅ)ばーき あすがどぅ我(ば)や一人(たうきゃあ)し 西(いすﾟ)んかい 西(いすﾟ)んかい 苦道(こーんつ)てぃや誰(とー)ゆっさﾟまいどぅ知しゅうてぃ 西(いすﾟ)んかい 西(いすﾟ)んかい かぬ道(んつ)ゆ かぬ道(んつ)ゆてぃどぅ 動(むゆ)きﾟ人々(ぴすとぅぬきゃ) うまから旅(たびすﾟ)んかいぴすﾟ人(ぴすとぅ)や皆(んーな) 有りゅう道(んつ)んかいばし あすがどぅ我(ば)や一人(たうきゃあ)し 無(にゃあ)ん道(んつ)ゆ 無(にゃあ)ん道(んつ)ゆ 無(にゃあ)んやばがみどぅ創(つ)ふぃいかでぃ 新道(あらんつ)ゆ 新道(あらんつ)ゆ 何(のー)ぬがゆがかーな? あんしどぅ 不思議(ぴるます)かーな? 己(どぅー)が道(んつ)ゆ 己(どぅー)し決みてぃ 歩(あす)き行きﾟ事くとぅ)ぬ 風(かじ)ぬ止(ゆどぅ)みば 歩(あす)き始(はず)みでぃ のーばし うぬ道(んつ)ぬ やな道(んつ)あらばまい 舟(ふに)からどー 舟(ふに)からどーてぃどぅ 渡(はた)す人々(ぴすとぅ) かぬ島(すま)がみ海(いん)む渡(ばた)すﾟ 人(ぴすとぅ)や皆舟(んーなふみ)ゆ深(とぅ)みまーりゅう あすがどぅ我(ば)やー人し 泳(うう)ぎ行かでぃ 泳(うう)ぎ行かでぃ 溺(うぶ)りすﾟがーらまい知(す)さーんてぃ知しゅうてぃ 泳(うう)ぎ行かでぃ 行かでぃ 何(のー)ぬが悪(ばす)かーな? あんしどぅ ばかすきむぬな? 己(どぅー)が道(んつ)ゆ 己(どぅー)し決みてぃ 泳(そう)ぎ行きﾟ事(くとぅ)ぬ 波(なん)ぬ止(ゆどぅ)みば 泳(うう)ぎ始(ぱず)みでぃ のーばし うぬ海(いん)ぬ 命(いぬつ)ゆ飲(ぬ)まばまい 風(かじ)ぬ止(ゆどぅ)みば 歩(あす)き始(はず)みでぃ のーばし うぬ道(んつ)ぬ やな道(んつ)あらばまい 波(なん)ぬ止(ゆどぅ)みば 泳(うう)ぎ始(ぱず)みでぃ のーばし うぬ海(いん)ぬ 命(いぬつ)ゆ飲(ぬ)まばまい のーばし うぬ道(んつ)ぬ やな道(んつ)あらばまい |
| ワイドー下地勇 | 下地勇 | 下地勇 | 下地勇 | | 今日(きゅう)や 美(か)ぎ日和(ぴすかず) ワーツキﾟヤッヴィまい のうりうーてぃ 南(ぱい)からぬ風(かじ)や 海(いんむ)ぬかばす香(か)じゃ 前(まい)ぬ浜(ばま)ん立ち 大太陽(うぷてぃだ)ん照(てぃ)らされ 海(いんむ)ぬ果(ば)てぃゆ見いるば また元気(いづ)ぬ出(い)でぃーきﾟす のーばし雨(あみ)ぬ降ふぃうらばんまい のーばし風(かじ)ぬ吹きうらばんまい 我(ばん)やシャンてぃ立ち前(まい)ゆ見いうーてぃ ワイ!てぃ前(まい)んかい歩(あす)き行かでぃ ワイドー ワイドー 自分(どぅー)しワイ!てぃ歩(あす)かだか ワイドー ワイドー 明日(あっつぁ)や見いれんどー 宮古(みゃーく)ぬ島中(すまんーな) うぬ美(か)が島(すま)ん生(ん)まりうーてぃ まーんてぃプカラスムヌてぃ 大声(うぶぐい)しあーじーみーる 宮古(みゃーく)ぬ人皆(びとぅんーな) 肝美(ぎむか)ぎアパラギ人(ぴすとぅ)ばーき まーんてぃ貴方(うぶぁ)をどぅ ぬずみうーてぃ ヤグイばしあーじーみーる のーばし今(んなま)からあすぐんたれ 心配(しば)ばしうーてぃまい始(ばず)まらん 貴方(うう゜ぁ)や自分(どぅー)が道(んつ) 自分(どぅー)が足(ぱず)し ワイ!てぃ前(まい)んかい歩(あす)きーぴり ワイドー ワイドー 自分(どぅー)しワイ!てぃ歩(あす)かだか ワイドー ワイドー 先(さき゜)や何(のー)まい見いれんどー うぬ島(すま)ぬ美(か)ぎさまい 人(ぴすとぅ)ぬ肝美(ぎむか)ぎさまい 何処(んぎ)ぬ島(すま)んかいまん負きん 友達皆(あぐぬきゃーんな)さーり来(く)う 一回来(き)してー止(や)みれーん んな一回来してぃまい未(んな)だ足ら～ん 住みみーでぃべゃ宮古(みゃーく) 「住めばミヤコ」てぃまいあんず のーばし肝(ぎむ)や病(や)みうーてぃまい のーばし体(どぅ)ぬ疲(ぶが)りかんてぃうーてぃまい 宮古(みゃーく)の人皆(んーな)ん助きれー あしてぃ貴方(ううﾟぁ)まい元気(いづ)ゆ出(い)だし歩(あす)きびり ワイドー ワイドー 自分(どぅー)しワイ!てぃ漕(く)がだか ワイドー ワイドー 船(ふに)や前(まい)んかい歩(あす)かん 叔父(あぼーざ)が船(ふに)や漕(く)ぎばどぅぴすﾟすが 叔父(あぼーざ)が漕(く)がだか前(まい)んかい歩(あす)かん 貴方(ううﾟぁ)が船(ふに)まい あし漕(く)ぎばどぅぴすﾟすが 貴方(ううﾟぁ)が漕(く)がだか んみゃ前(まい)かい歩(あす)かん 各自(うーな)が持(む)つ船ゆ出(い)だし 海(いんむ)ぬかなた 漕(く)ぎ出(い)ださ アララガマ シッタイ! 根性(いづ)ぬ出(い)だし 荒波(なんむ)まい高波まい 乗(ぬ)り越(く)いぴり のーばし ビーギスぬ根(にー)ゆ探(とぅ)みかにうらばんまい のーばし ブーギスぬ束(たばすﾟ)ゆ担(かた)みかにうらばんまい アララガマ!てぃ自分(どぅー)し自分(どぅー)んかいあーじーみーてぃ あしてぃイヒッてぃがましまい笑(あま)いみーる アガイスツ 見いうーてぃ見いん振(ぶすﾟ)ばし 歩(あす)きう一人(ぴすとぅ)まいうー 知しうてぃ知(す)さーん 振(ふすﾟ)ばし座(び)じゅう人(す)まいうー あすが貴方(ううﾟぁ)や自分(どぅー)が道強(んつちゅう)く信じ ワイ!てぃ前(まい)んかい歩(あす)きーぴり ワイドー ワイドー 自分(どぅー)しワイ!てぃ歩(あす)かだか ワイドー ワイドー 明日(あっつぁ)や見いれんどー ワイドー ワイドー 自分(どぅー)しワイ!てぃ漕(く)がだか ワイドー ワイドー 船(ふに)や前(まい)んかい歩(あす)かん |
| アタラカの星/ロング・バージョン下地勇 | 下地勇 | 下地勇 | 下地勇 | | んざがみ歩(あす)きばぞーかーが 人(ぴとぅ)や同場所(ゆぬとぅくま)ぬ目当(みあ)てぃな 果(ぱ)てぃや見いらるん砂漠地(んーなぐづー)ゆ 願(にご)う心(きﾟむ)だきどぅ我(ば)ぬう助きうー うぬ星(ぷす)んな 我(ばん)とぅ一頭(ぴすとぅから)ぬ馬(ぬーま) 和合(わごう)ぬ地(づー)ゆ探(とぅ)みーどぅ がまらす心(ぎむ)だきゆ担(くん)ぎ アタラカぬ父母(うやんま)や アタラカぬ物(むぬ)うふぃーたー いつがみまい止(ゆどぅ)まん世(ゆー) 我(ば)ぬう歩(あす)かすだき んざがみ歩(あす)き来(きﾟ)たがーら 歩(あす)きﾟ意味やーつ押(う)さいらるん 捨(す)てぃたふぁにゃーんがまらさまい 疲(ぶが)りゅ心(きﾟむ)やーつ治(のー)さるん 今(んなま)だきや 夢(いみ)ゆ見いしみる 戻(むどぅ)らるん昔(んきゃー)ぬ アタラス母(あんな)ぬ腕(うでぃ)ん 心愛(ぎむがさ)さ溢(あふ)りーぬ 忘(ばす)きらるん日数(ぴかず) アタラカぬ人々(ぴとぅぬきゃ)ゆ 戻(むどぅ)しふぃーぶさぬ うん越(く)いや何(のー)まいさーりーふぃーなよ “ツンダラーサ”てぃぬ言葉(くとぅば)や 死(す)ににゃーん新世(みすﾟゆー)ぬ やがてぃ廻り来(き)すがみ アタラカぬ父母(うやんま)や アタラカぬ物(むぬ)うふぃーたー いつがみまい止(ゆどぅ)まん世(ゆー) 我(ば)ぬう歩(あす)かすだき アヤシャーカぬ太陽拝(てぃだうが)み 和合(わごう)ぬ大地(うぶづー)んかい 遠(あが)た果(ぱ)てぃがみまい 歩(あす)きﾟ止(ゆどぅ)まされん |
| ジャズィー・ミャーク下地勇 | 下地勇 | 下地勇 | 下地勇 | 下地勇&開拓バンド | 仕事(すぐとぅ)まいしーだな あてぃ女性惚(みどぅんぶ)りやしー 酒(さき)ん溺(うぶ)りー家(やー)まい何(のー)まい売うﾟぃかいらし 飲(ぬ)みてぃ寝(に)っうﾟぃ また起(う)きてぃ飲(ぬ)み寝(に)っう゜ぃ ぎっつぁしーらいん ふがましゃ 酒(さき)ふぁいや 人(ぴとぅ)んかいどぅなりゅう ふぃーてぃか食(ふぉ)う ふぃーてぃか食(ふぁー)れん ふぃーてぃか食(ふぁー)ん 食(ふぉ)うてぃかにゃーん いーぎー まんてぃぬダスク生(ん)まりんかいなり ダスﾟダスﾟてぃ 色(いる)や刀刃(かたなばー) 酒(さき)や毒(どぅく) 海(いん)かい惚(ぶ)りすﾟ人(ぴとぅ)ぬどぅ 正惚(しょうぶ)り者(むぬ)てぃどぅあーすﾟ 寝(に)っうﾟゅーてぃまい 目覚(みす)りてぃまい 頭魚釣(かなますﾟふふぁ)す事(くとぅ)ばーき ギャンブラーんかいなり つかいないうー牛(うす)まい売うﾟぃ 捨(し)てぃすﾟ人(ぴとぅ)まいうー いしﾟ返(かい)らしまい止(や)みれーでぃが 後(あとぅ)や家(やー)ゆ 売(つこ)うﾟてぃしまい あーてぃか使(つこ)う あーだき使(つこ)う 借りてぃや使(つこ)う 銭(じん)ばーきどぅ使(つこ)う あんしゅーさﾟ海(いん)かい惚(ぶ)りるどぅます 魚(いすﾟ) 魚(いすﾟてぃ 海惚(いんぶ)りどぅ 正惚(しょうぶ)り ゆーぬすーや自分(どぅー)しとぅい食(ふぁ)いどぅ ういがどぅ生きﾟでぃいきﾟ道 昨日(きﾟぬ)がみぬくとぅや忘(ば)してぃまい 明日(あつぁー)からぬくとぅ投ぎやらん 他人(ぴとぅ)んな知(す)さーれたっふぁにゃん 癖(ふし)ゆあーさﾟれーてぃか 心病(きﾟむや)ん 足痛(ぱずや)ん 腰痛(くすや)ん 首筋(ぬぶしや)がみまい痛み 癖(ふし)ぬ悪(ばす)かーがーら あらーからあーすﾟ 人(ぴとぅ)ぬどぅ悪(ばす)かーがーら 誰(とー)まい一(ぴてぃ)つや二つ 煮(に)るんまい食(ふぁー)れん癖(ふし)ゆどぅ持(む)ちーどぅー 家(やー)慣りどぅ 外(ぷか)慣りてぃどうあーず 人(ぴとぅ)ん馴りどぅ 世直(ゆーなう)りてぃまいあーす゜ 便所んかい入しﾟちか鍵ゆかきる ジャッてぃ ジャッてぃ 癖(ふし)ゆ あっざいりばどぅ にたんむ 何(のー)まいあすだな 貰(もろ)うくとぅばーきゅ望(ぬず)んてぃかならん 畑(はり)の地(づー)ゆすきー 鍬(ふふぁつ)し土(んた)まいかじ 種(さに)ゆぽうりー 肥料(ふふぁい)まいふぃー 雨(あみ)ぬ振ふぁだか びょーすんな 水まいふぃー 自分(どぅー)が子(ふふぁ)を世話(みばか)すんだかり 毎日(まいにつ)ぴにつ汗(あし)ゆ出(い)だし 種(さに)ゆぽーりーどぅ実(みすﾟ) 育てぃるばどぅ まさり生長(ぶどぅ)いぴす゜ 粘(にんばー)りうるうしーだか何(のー)しゃーまい駄目(だみ) ずーってぃ ずーってぃ 蒔きﾟ種(さに)ぬどぅ 穣(とぅ)らいすﾟ ゆーぬすーや自分(とぅー)しとぅい食(ふぁ)いどぅ ういがどぅ生きﾟでぃいき゜道(んつ) すぷたすﾟ服う 着しゅうてぃどぅ 美(か)ぎ服沢山(ふくたう)どぅ買(か)−れーすﾟ 太陽(てぃだ)ぬ沈(すず)みぴりば 憩(ゆく)うがつな 酒(さき)ゆ飲(ぬ)み 太陽(てぃだ)ぬ上がり来(きﾟ)すがみ 愛(かぬ)しゃが夢(いみ)が見い 何(のー)ばし金持(じんむ)ちゃやらばん 頭出来(かなまずでぃさ)うらばん 頑強(がんづう)し 人(ぴとぅ)ぬ世(ゆー)上手ん渡(ばた)りいかだか 頬(かまつ)ぬゆがみてぃまい 隣(となすﾟ)とゅゆがんなてぃ習(ならー)されー 親(うや)ぬあーしﾟゅーたー事(くとぅ) しかてぃ肝(きﾟむ)ん染(す)み 腰(くす)ゆ持(む)たぎ いつがみまい働(ぱたら)かでぃ 我(ば)や死(す)んがみ働(ぱたら)かでぃどー うぃがどぅまんてぃぬ幸福(ぷからす)暮らすあらんな ワイてぃ ワイてぃ 頑強(がんづう)さどぅ 一番(いつばん) |
| Happy 我が子 day下地勇 | 下地勇 | 下地勇 | 下地勇 | | 今産(んなまな)さっでぃ我(ば)が子(ふふぁ) 今生(んなまん)まり来(き)す新命(あらいぬつ) うぬ星(ぷす)ん うぬ地(づー)ん さーてぃ今生(んなまん)まり来(く)う 昨日(きﾟぬ)やにゃーんど我(ば)が子(ふふぁ) 明日(あっつぁ)ゆばーき見(み)いる)新命(あらいぬつ) うぬ手(てぃー)し抱(だ)きふぃーでぃ さーてぃ今生(んなまん)まり来(く)う 選(いら)ばりたんどー 我(ば)が子(ふふぁ)てぃ 貴方(ううﾟぁ)が親(うや)てぃ我(ばん)まい選(いら)ばりた 世持(ゆーむ)つ子(ふふぁ)てぃどぅ むらい受(う)き あたらっさしー育(すだ)てぃいかー 大声(うぷぐい)し泣(な)き生(う)まり来(く)う 世持(ゆーむ)つ子今生(ふふぁんなまん)まり来(く)う うぬ手(てぃー)し抱(だ)きとぅらさでぃ 神(かん)ぬ子(ふふぁ) 抱(だ)きみしでぃ 新命(あらいぬつ)や世(ゆー)ゆ洗(あら)い 小命(いみいぬつ)ぬ大世(うぷゆー)ゆ持(む)つ 立(た)ちみしる大地(うぷつー)ぬ上(わーび)ん 歩(あす)きみしる美(か)ぎ道(んつ)ゆ 今産(んなまな)すたんど我(ば)が子(ふふぁ) 生(ん)まり来(き)たんど新命(あらいぬつ) 吹(ふ)きﾟ息(いき)ぬ 泣(な)きﾟ声(くい)ぬ 天(てぃん)がみまい響(とぅゆ)みゅうんどー 抱(だ)きみーるば愛(かな)す我(ば)が子(ふふぁ) 笑(あま)いるばあたらす新命(あらいぬつ) 健康(けんこう)とぅ元気(げんづう)ゆ 名(なー)ふぃーすﾟ前(まい)ん貴方(うう゜ぁ)んふぃーでぃ 貴方(ううﾟぁ)を産(な)す母(んま)ぬ強(つう)さや 何(のー)んかいまい勝(まさ)りぬむぬやりば 生(い)きﾟでぃいき゜心配(しば)やしーしみん 明日(あつぁ)んかいさーてぃぷどぅいーぴり 忘(ばっ)しんどー 今日(きゅう)ぬ美(か)ぎ日数(ぴかず) 忘(ばっ)しんどー 今日(きゅう)ぬプカラッサー 肝(きﾟむ)や高鳴(たかな)り 貴方(ううﾟぁ)を抱(だ)き 歩(あす)き行(い)かでぃ まーつき 忘(ばっ)しんどー 今日(きゅう)ぬ美(か)ぎ日数(ぴかず) 忘(ばっ)しんどー 今日(きゅう)ぬプカラッサー 肝(きﾟむ)や高鳴(たかな)り 貴方(ううﾟぁ)を抱(だ)き 歩(あす)き行(い)かでぃ 美(か)ぎ道(んつ)ゆ 貴方(ううﾟぁ)が命(いぬつ)ゆ うぬ手(てぃー)ん 抱(だ)きみーるば 昔(んきゃー)ん捨(す)てぃた夢(いみ)ぬ 息(いきﾟ)ゆ吹(ふ)きﾟ返(かい)し 吹(ふ)きﾟ返(かい)し 来(き)すん如(にゃー)しうー 大声(うぷぐい)し泣(な)き生(う)まり来(く)う 世持(ゆーむ)つ子今生(ふふぁんなまん)まり来(く)う うぬ手(てぃー)し抱(だ)きとぅらさでぃ 神(かん)ぬ子(ふふぁ) 抱(だ)きみしでぃ 新命(あらいぬつ)や世(ゆー)ゆ洗(あら)い 小命(いみいぬつ)ぬ大世(うぷゆー)ゆ持(む)つ 立(た)ちみしる大地(うぷつー)ぬ上(わーび)ん 歩(あす)きみしる美(か)ぎ道(んつ)ゆ 忘(ばっ)しんどー 今日(きゅう)ぬ美(か)ぎ日数(ぴかず) 忘(ばっ)しんどー 今日(きゅう)ぬプカラッサー 肝(きﾟむ)や高鳴(たかな)り 貴方(ううﾟぁ)を抱(だ)き 歩(あす)き行(い)かでぃ まーつき 忘(ばっ)しんどー 今日(きゅう)ぬ美(か)ぎ日数(ぴかず) 忘(ばっ)しんどー 今日(きゅう)ぬプカラッサー 肝(きﾟむ)や高鳴(たかな)り 貴方(ううﾟぁ)を抱(だ)き 歩(あす)き行(い)かでぃ 美(か)ぎ道(んつ)ゆ |
| 世持つ雨（SAKISHIMAバージョン）下地勇 | 下地勇 | 下地勇 | 下地勇 | | 朝(すとぅむてぃ) 目覚(みす)りるば 雨(あみ)ぬ降(ふ)ふぃうー 乾(かーら)きうたー大地(うぷぬー)んかい 雨(あみ)ぬ降(ふ)ふぃうー 世(ゆー)ぬ垢(なば)ゆ落(う)たしみる 雨(あみ)ゆ降(ふ)ふぃよー 昨日(きﾟぬ)がみぬ涙(なだ)流しみる 雨(あみ)ゆ降(ふ)ふぃよー 天(てぃん)からぬ土産(つとぅ)やば 傘(さな)や置(うつ)ぎうきよー 今日(きゅう)の一日(ぴとぅす゜)だきや 雨(あみ)ん濡(ん)みみしる 皆(んーな)んかいぬたまどー カッパや着(き)しだなよ がまらさ流しみる ざす濡(ん)み ざす濡(ん)み上等(じょうとぅー)さい 着(き)しゅうた服(ふく)じゃってぃがまし 脱(ばどぅ)ぎ捨(し)てぃる アーミ アーミヨー 貴方(ううﾟぁ)まい私(ばん)まい天(てぃん)むあぱなき アーミ アーミヨー 願(にご)う事(くとぅ)ぬあーてぃか濡(ん)みがつな今(んなま)だら アーミ アーミヨー 来年(やーに)まいウキヤ 今年(くとぅす)まいウヤキ アーミ アーミヨー ウリサーサー ウリサーサー アーミ アーミヨー シッタイサーサー シッタイサーサー アーミ アーミヨー ゆさびんならばまい 雨(あみ)や降(ふ)ふぃうー 雷(かんてぃん)まい助きどぅー 雨(あみ)や降(ふ)ふぃうー 草花(ふさばな)ぷどぅわしみーる 雨(あみ)ゆ降(ふ)ふぃよー 世持(ゆーむ)つ命(いつぬ)ぬ血(あかつ)んかい 雨(あみ)ゆ降(ふ)ふぃよー 天(てぃん)からぬ土産(つとぅ)やば 傘(さな)や置(うつ)ぎうきよー 今日(きゅう)の一日(ぴとぅすﾟ)だきや 雨(あみ)ん濡(ん)みみしる 皆(んーな)んかいぬたまどー カッパや着(き)しだなよ がまらさ流しみる ざす濡(ん)み ざす濡(ん)み上等(じょうとぅー)さい 心配(しゅわ)すす事(くとぅ)や今日(きゅう)や忘(ばす)きみーる アーミ アーミヨー むどぅかす事(くとぅ)まい全部(んーな)流し捨(し)てぃる アーミ アーミヨー 明日(あつぁ)や太陽(てぃだ)ぬ上がりば地(づー)や固まりば アーミ アーミヨー アララガマういがまし負きゃーならんどー アーミ アーミヨー ウリサーサー ウリサーサー アーミ アーミヨー シッタイサーサー シッタイサーサー アーミ アーミヨー 着(き)しゅうた服(ふく)じゃってぃがまし 脱(ばどぅ)ぎ捨(し)てぃる アーミ アーミヨー 貴方(ううﾟぁ)まい私(ばん)まい天(てぃん)むあぱなき アーミ アーミヨー 願(にご)う事(くとぅ)ぬあーてぃか濡(ん)みがつな今(んなま)だら アーミ アーミヨー 来年(やーに)まいウキヤ 今年(くとぅす)まいウヤキ アーミ アーミヨー ウリサーサー ウリサーサー アーミ アーミヨー シッタイサーサー シッタイサーサー アーミ アーミヨー |
| 狭道小からぴらす舟（オリジナル・バージョン）下地勇 | 下地勇 | 下地勇 | 下地勇 | 島袋優・下地勇 | 狭道小(いばんつがま)から一人舟(たうきゃーふに)ん乗(ぬう)り 旅(たびす)んかい出(い)でぃぴすﾟ我(ば)ぬ見(み)いうーてぃ 涙(なだ)を目(みー)んたみんまい 笑(あま)い送(うく)りぴらす父母(いさﾟんま)ぬどぅ居(う)たー 家(やー)ゆ叩(たた)きうたー雨(あみ)まい 揺(ゆ)るがしうたー風(かじ)まい止(ゆどぅ)み 曇(ふむ)まい消(きゃあ)りー 漕(く)ぎつぁーまい知(す)さーだな 戸惑(とぅまっうﾟぃ)い座(び)しﾟゅう我(ば)ぬ 背後(ちび)から柔(やらぁ)つぁ押(う)しふぃーす゜ 風(かじ) 幼少頃(やらびばだ)んな 世間(しきん)ぬ荒波(あらなん)から我(ば)が父母(いさﾟんま)ぬ 前(まふきゃー)ん立(た)ち 我(ば)ぬ守(まむ)りふぃーたー 我(ば)が体(どぅー)ゆ吹(ふ)きﾟ飛(とぅ)ばすかーぬ 強風(つうかじ)からまい家(やー) ぬ門(ぞー)ぬ石垣(いすかきﾟ)ぬわれ(ば)ぬ守(まむ)りふぃーたー 小島(いみすま)ん居(うー)てぃや 同級生達(あぐぬきゃ) 友人達(どぅすぬきゃ)ぬ皆(んーぬ)しいつまい 我(ば)ぬ助(たす)きふぃーたー 守(まむ)りふぃーたー 天(てぃん)神(かん) 里(さとぅ)ぬ神(かん) 先祖(しんず)ぬ神(かん)まい我(ば)ぬ守(まむ)りふぃーたー 狭道小(いばんつがま)からぴらす舟(ふに)ん乗(ぬう)り あか今我(なまば)やただ一人(たうきゃー) 旅(たびす)んかい出(い)でぃぴらでぃ のーばしんぎ道(んつ)ゆ我(ば)や今(んなま)から 歩(あす)きいかでぃがでぃ 心配(しば)ばし戸惑(とぅまっうﾟぃ)いどぅ居(う)たー 戻回(むどぅまあ)り来(き)してぃどぅ又(また)とぅん回(まあ)ぴす゜ 世間(しきん)ぬ荒波(あらなん)ん我(ば)やただ一人(たうきゃー)ゆらり 自分(とぅー)が道(んつ)や幾(いふ)つがあーがーら 一(ぴてぃ)つぬ道(んつ)尻(ちび)や着(つ)かだな 冷(びすぐ)る風(かじ)ん吹(ふ)かれー やがてぃ生(ん)まり島(ずま)まい想(うむ)す゜ 出(だ)さっでぃまいしーだな 目(みー)ぬ前(まい)ぬ銭(じん)ぬ世(ゆ)ぬ中(なか)ん遊(あす)ばれ 手(てぃー)まい足(ばず)まいぴさふつんきゃー 見(み)いれん道(んつ)ゆ我(ば)やまた毎日(まいにつ) 這(ば)うどぅりーどぅ回(まあ)りうたー 人間(にんぎん)なあんしがみまい弱(やう゜)がーんどぅ生(ん)まりうーな んざがみまい落(う)てぃーぴす んざがみまい落(う)てぃーぴす うま行(い)き゜かま行(い)き゜助(たす)きふぃーす 人(ぴとぅす)ゆ探(とぅ)みー歩(あす)かばんまい誰(とー)まいみーん 探(とぅ)みー歩(あす)かばんまい誰(とー)まいみーん やがてぃ体(とぅー)や疲(ぶが)り心(き゜む)や病(や)み 泣(な)き゜むぬゆんばしゅう 上(わーび)ば見(み)いるーてぃ泣(な)きゅう あんしうらでぃな いつがみまいあんしうーてぃや ならんなあらんな 狭道小(いばんつがま)からぴらす舟(ふに)ん乗(ぬう)り 青々(おうおう)ぬ顔(みぱな)し旅(たびす)んかい出(い)でぃた一時(とうきゃ) 思(うむ)すﾟ出(い)し 我(ば)ぬ産(な)すたー父母(いさﾟんま)や 我(ば)が歩(あす)きうー道(んつ)いつまい信(しん)じ 情(なさき)ぬ食持(ふぉーむぬ) 遠(あがた)ん居(う)う 我(ばん)かい送(うく)りばーきふぃーたー 力(いづ)ゆ出(い)だし 自分(どぅー)が根(にー)ゆ考(かんが)いる 倒(とう)りてぃまい転(まる)びてぃまい返(かい)りてぃまい また起(う)きる 大穴(うぷあぷ)ん落(う)てぃ 頭(かなますﾟ) 上(わーぴ)ん土(んた)を被(かっ)うﾟぃーどぅ 初(はず)めてぃ自分(とぅー)んかい 立(た)ち返(かい)すﾟ人(ぴすとぅ)まい居(う)う 今(んなま)からまいにっふぁにゃーん また漕(く)ぎ出(い)だしみーる 今(んなま)がみぬ怠惰(だすく)や 今日(きゅう)ぬ夕飯(ゆーすﾟ)とぅまつーつき喰(ふぁ)い 天(てぃん)から力(いづ)ぬ降(う)り来(き)しゅーりば うるう取(とぅ)いてぃ自分(とぅー)ゆすがらし 自分(とぅー)が生(ん)まり島(ずま)んまた 戻(むどぅ)り行(い)き見(み)いみーる 汝(うう゜ぁ)が 探(とぅ)みうたーむぬまい 我(ば)が探(とぅ)みうたーむぬまい くまんどぅありぅー 本当(まーんてぃ)どぅくまんどぅ寝(に)ぅうﾟゅーぱっじゃば あてぃからんめ我(ば)や今(んなま)からのーばしあすぐんた 頭(かなますﾟ)まい痛(や)み 心(き゜む)まい病(や)み 体(とぅー)まい疲(ぶが)りーどぅうーすか 汝(ううﾟぁ)が 我(ばん)かい手(てぃー)ゆ伸(ん)ばしふぃーてぃか よーんなー歩(あす)かれーどぅすす 汝(ううﾟぁ)が 我(ばん)かい手(てぃー)ゆ伸(ん)ばしふぃーてぃか 我(ば)やまた 一(いつ)から力(いづ)ゆ出(い)だし 汝(ううﾟぁ)とぅまーつき 歩(あす)かれーどぅすす 戻回(むどぅまあ)り来(き)してぃどぅ又(また)とぅん回(まあ)ぴすﾟ 世間(しきん)ぬ荒波(あらなん)ん我(ば)やただ一人(たうきゃー)ゆらり 自分(とぅー)が道(んつ)や幾(いふ)つがあーがーら 一(ぴてぃ)つぬ道(んつ)尻(ちび)や着(つ)かだな 冷(びすぐ)る風(かじ)ん 冷(びすぐ)る風(かじ)ん吹(ふ)かれー やがてぃ生(ん)まり島(ずま)まい想(うむ)す゜ 出(だ)さっでぃまいしーだな 目(みー)ぬ前(まい)ぬ銭(じん)ぬ世(ゆ)ぬ中(なか) 銭(じん)とぅ女(みどぅん)かい遊(あす)ばれ 手(てぃー)まい足(ばず)まいぴさふつんきゃー 見(み)いれん道(んつ)ゆ我(ば)やまた毎日(まいにつ) また毎日(まいにつ) 這(ば)うどぅりーどぅ回(まあ)りうたー 人間(にんぎん)な あんしがみまい弱(やう゜)がーんどぅ生(ん)まりうーな んざがみまい落(う)てぃーぴす んざがみまい落(う)てぃーぴす んざがみまい落(う)てぃーぴす うま行(い)き゜かま行(い)き゜助(たす)きふぃーす 人(ぴとぅす)ゆ探(とぅ)みー歩(あす)かばんまい 我(ば)が前(まふきゅー)んな 我(ば)が前(まふきゅー)んな 誰(とー)まいみーん あてぃからんめ 我(ば)や今(んなま)からのーばしあすぐんた 頭(かなます゜)まい痛(や)み心(き゜む)まい病(や)み 体(とぅー)まい疲(ぶが)りーどぅうーすか 汝(うう゜ぁ)が 我(ばん)かい手(てぃー)ゆ伸(ん)ばしふぃーてぃか 我(ば)や歩(あす)かれーどぅすす よーんなー止(ゆどぅ)まっだな よーんなー歩(あす)かれーどぅすす 汝(うう゜ぁ)が 我(ばん)かい手(てぃー)ゆ伸(ん)ばしふぃーてぃか 我(ば)やまた 一(いつ)から力(いづ)ゆ出(い)だし 汝(うう゜ぁ)とぅまーつき 歩(あす)かれーどぅす |
| 捨てぃうかでぃな下地勇 | 下地勇 | 下地勇 | 下地勇 | | 天(てぃん)ゆ仰(おう)ぎ見いたー いつからがーら青々(おうおう)ぬ天ゆまい 見いっでぃまいしーん 我(ば)がどぅ居(う)たー のーてぃがーら 変(びん)なむね 幼少頃(やらびぱだ)ん見いたー天とぅ同(ゆぬ)天やすが 青(おお)さぬ無(にゃ)ん天 今(んなま)ぬ我(ば)が肝(きﾟむ)ぬ中ゆ照(てぃ)らしうーん如(にゃー)し いつまい濁(むぎゃあ)りどぅ見いれーうーてぃ 何処(んざ)んかいてぃまいにゃん 道(んつ)まい無(にゃ)ん道ゆ歩(あす)ぎす 我(ば)がどぅ居(う)たー 何(のー)ゆが探(とぅ)みっでぃてぃまいにゃあん 何(のー)がらん追(う)すかされうーんだかり 忙(ばんた)むね忙むねてぃどぅ 走(とぅぱ)っしぴす゜ばーき 忘(ばっ)しきしゅう 何がらゆどぅ忘しどくきしゅう てぃや知しうーてぃまい 止(ゆどぅ)まされーん 走(とぅぱ)っしぴすﾟばーき 後(ちび)ゆめーげ見いたー 我が歩(あす)きうー道(んつ)や当たり どぅうーなーてぃ訊きみーるんまい 誰(とー)まいみーん のーてぃがーら 恐(うとぅ)るすむぬ 習(ならぁ)しふぃすﾟ人(ぴすとぅ)まい 一人(たうけー)やーつみーんふなり 我が一人どぅ立ちうー 屋ぬ上(わーび)んぬーりー 手(てぃ)ゆ広(ぴす)ぎみーるんまい 風(かじ)や我(ば)かい当たらだなどぅ 我ぬ避(ゆ)きーぴす゜ 満(ん)ち来(き)すてぃやまた干(び)しぴす゜ 前(まい)海(いんむ)ぬ潮(すぅ)ぬ如(にゃ)ん わが道まい行きﾟてぃや来す来す 同所(ゆぬとぅくま)んどぅ戻(むどぅ)りうー 大月(うぷつきﾟ)ぬ夜(ゆー) 風吹(かじふ)きﾟばんず 何(のー)まい見いれーん 何まい聞かれーん 我や手探(てぃさとぅ)りどぅうー 大太陽(うぷてぃだ)の下(すた) 明かりやありてうーてぃまい 暗闇(ふふぁやん)ゆ歩(あす)きﾟかに 手探りどぅうー 夕(ゆ)び見いたー夢(いみ)や 道の真(んー)ん中止(なかゆどぅ)み 土(んた)ぬ上(わーび)んびらき 南風(ぱいかじ)ん包まれー 体(どぅ)や休(ゆく)い 心(きﾟむ)や緩(ゆる)み 見上ぎ見いすﾟ 天や幼少頃(やらびぱだ)ん見いたー青々(おうおう)ぬ天 ア～ 何(のー)がらん追(う)すかされうーんだかり 忙(ばんた)むね忙むねてぃどぅ 走(とぅぱ)っしぴす゜ばーき 忘(ばっ)しきしゅう 何がらゆどぅ忘しどくきしゅう てぃや知しうーてぃまい 止(ゆどぅ)まされーん 走(とぅぱ)っしぴすﾟばーき 大月(うぷつきﾟ)ぬ夜(ゆー) 風吹(かじふ)きﾟばんず 何(のー)まい見いれーん 何まい聞かれーん 我や手探(てぃさとぅ)りどぅうー 大太陽(うぷてぃだ)の下(すた) 明かりやありてうーてぃまい 暗闇(ふふぁやん)ゆ歩(あす)きﾟかに 手探りどぅうー 買いてぃや捨てぃてぃ 使(つこ)うてぃまい捨てぃすﾟ あんしぬ世(ゆ)ぬ中しじょうぶんなてぃまい さばきみーすﾟ人まい 今(んなま)みーんふなり ういしじょうぶんな あにぎな捨てぃうてぃじょうぶんな 烏(からさ)ぬどぅたかりうー 朝(すとぅむてぃ)しゃーかぬ道(んつ)ん 見いん振(ふすﾟ)ばし歩(あす)きう一人 仕事(すぐとぅ)んかいてぃ飛(とぅ)びーぴすﾟ 道ぬ端(あざ)んびらき 生きﾟでぃうーがーらまい知(す)さいん 見いん振(ふすﾟ)ばし歩(あす)きぴすﾟ 自分(とぅー)が道(んつ)ゆばーき歩きぴすﾟ ういしじょうぶんな あにぎな捨てぃうてぃじょうぶんな あんしうかでぃな あにぎな捨てぃうかでぃな ういしじょうぶんな 捨てぃうかでぃな あんしうかでぃな あにぎなうかでぃな ういしじょうぶんな 捨てぃうかでぃな あんしうかでぃな あにぎなうかでぃな |
| ZUMI下地勇 | 下地勇 | 下地勇 | 下地勇 | 下地勇&開拓バンド | がじゃみき どぅどぅみき かぬ人(ぴとぅ)ゆ待ちゅう 皆(んーな)拍手ゆ打(ふ)つ ズミ 男性(ぴきどぅん) 片手(かたでぃー)ゆハイッてぃ拳ぎるば 女性達惚(みどぅんたぁぶ)りすﾟ 誰(とー)んかいてぃまね(なーび)やしーれん ズミ 男性(ぴきどぅん) なりみーぶす かんちぬズミ 男性(ぴきどぅん) すんざぎむね ッガイタンデイ ズミッ! ズミッ! 家(やー)まい買(かー)れすﾟたきぬ高代(たかだい)車ん乗(ぬう)り 隣(とぅなすﾟ)ん座(び)しﾟゅう人(そ) 見いやーつみーん アバラギ女性(みどぅん) 皆(んーな)まい 口開(ふつあ)き とぅりばり見いすﾟ きっつぎ服着し なぴすたー なぴすたーてぃぬ肌みどぅらす アバラギ女性(みどぅん) さーりーみーぶす かんちぬ アバラギ女性(みどぅん) すんざぎむね ッガイタンデイ (ズミッ! ズミッ!) なーりみーでぃべやー なられす゜事(くとぅす)やてぃか しゃーぱりみーでぃべやー (ズミッ! ズミッ!) さーりーみーでぃべやー さーれすﾟ事(くとぅす)やてぃか みどぅらしみーでぃべやー (ズミッ! ズミッ!) かびみーぶす 二人(ふたーすﾟ)ぬかばす香(か)じゃ すんざぎむね ッガイタンデイ (ズミッ! ズミッ!) がじゃみき どぅどぅみき かぬ人(ぴとぅ)ゆ待ちゅう 皆(んーな)拍手ゆ打(ふ)つ ズミ 男性(ぴきどぅん) 片手(かたでぃー)ゆハイッてぃ拳ぎるば 女性達惚(みどぅんたぁぶ)りすﾟ 誰(とー)んかいてぃまね(なーび)やしーれん ズミ 男性(ぴきどぅん) なーりみーでぃべやー なられすﾟ事(くとぅす)やてぃか しゃーぱりみーでぃべやー (ズミッ! ズミッ!) さーりーみーでぃべやー さーれすﾟ事(くとぅす)やてぃか みどぅらしみーでぃべやー (ズミッ! ズミッ!) |
| Kari下地勇 | 下地勇 | 下地勇 | 下地勇 | | 彼等(かいた)んかい見らいてぃか 隠(かふぃ)れーす゜間(まー)ぬあらでぃが 彼等(かいた)ん追(う)すかさいてぃか 逃(ぴん)ぎれーす゜間(まー)ぬあらーでぃが 一人(たうきゃー)んどぅ なりゅうちどぅ 思(うむ)あされうーだき 一人(たうきゃー)んかい ならでぃやちか うぬ星(ぶす)う離(ぱな)りす゜他(ぷか)にゃーん 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 彼等(かいた)んかい知(す)さーれーてぃか 世間(しきん)ぬ知(す)さーんてぃまいあらでぃが 彼等(かいた)ん捕(かつ)みれーてぃか あまなーす゜身(どぅー)んかいまいなれーでぃが 上(わーぎ)からまい横(ゆかーら)からまい 汝(うう゛ぉ)をば逃(ぴん)がすんまーち 網(あんむ)う広(ぴす)ぎ 次第(すだい)ん確かん 追(う)い詰みーどぅぴす゜がまた 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー |
| 心のうた（スタジオ・ライブ・バージョン）下地勇 | 下地勇 | 下地勇 | 下地勇 | | バンミカシ サー バンミカシー ウガナーリ 心のうた クイイダシ サー クイユイダシ ブドゥリミール 心のうた やがて 陽は昇り しおれそうな花達に あふれる愛の光 浴びせるだろう だから 君も ウガナーリ クイユイダシ 空に響け 心のうた ウガナーリ ミパナアマイ あなたを包む 心のうた バンミカシ サー バンミカシー ウガナーリ 心のうた クイイダシ サー クイユイダシ ブドゥリミール 心のうた 風は雲を呼び 乾ききったこの大地に あふれる愛の滴 降らせるだろう だから みんな ウガナーリ クイユイダシ 風にのって 心のうた ウガナーリ ミパナアマイ 海をこえて 心のうた ウガナーリ クイユイダシ 空に響け 心のうた ウガナーリ ミパナアマイ あなたを包む 心のうた ウガナーリ クイユイダシ 空に響け 心のうた ウガナーリ ミパナアマイ あなたを包む 心のうた ウガナーリ クイユイダシ 風にのって 心のうた ウガナーリ ミパナアマイ 海をこえて 心のうた |
