| Kari下地勇 | 下地勇 | 下地勇 | 下地勇 | | 彼等(かいた)んかい見らいてぃか 隠(かふぃ)れーす゜間(まー)ぬあらでぃが 彼等(かいた)ん追(う)すかさいてぃか 逃(ぴん)ぎれーす゜間(まー)ぬあらーでぃが 一人(たうきゃー)んどぅ なりゅうちどぅ 思(うむ)あされうーだき 一人(たうきゃー)んかい ならでぃやちか うぬ星(ぶす)う離(ぱな)りす゜他(ぷか)にゃーん 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 彼等(かいた)んかい知(す)さーれーてぃか 世間(しきん)ぬ知(す)さーんてぃまいあらでぃが 彼等(かいた)ん捕(かつ)みれーてぃか あまなーす゜身(どぅー)んかいまいなれーでぃが 上(わーぎ)からまい横(ゆかーら)からまい 汝(うう゛ぉ)をば逃(ぴん)がすんまーち 網(あんむ)う広(ぴす)ぎ 次第(すだい)ん確かん 追(う)い詰みーどぅぴす゜がまた 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー 見いらいどぅー 彼等(かいた)んどぅ 見いらいどぅー 知(す)されーうー 彼等(かいた)んな 知(す)されーうー |
| 差下地勇 | 下地勇 | 下地勇 | 下地勇 | | 豊穣世(のーす゜ゆー)う願(にが)いーどぅ 明日(あつぁ)を的をしー生き゜でぃうー 何(のー)ゆが他(ぷか)ん望(ぬず)までぃ 知(す)さーんふまいどぅなりきしゅう 森(もり)ん入(ぱす)し゜ば 動物(いき゜むす)う獲(とぅ)らっでぃ仕掛(すきゃ)き 海(いんむ)かいてぃ下(う)りるば 今日(きゅう)まいまた大漁(でぃき)どーやー 豊穣世(のーす゜ゆー)う拝(うが)みーどぅ 汗(あし)やたす゜ち 働(ぱたら)きうー 足りゅうらん物(むぬ)や何(のー)がーら 口(ふつ)あ堅(くば)り出(い)でぃまいくーん 雨乞(あまぐ)い地(づー)んな 雨(あみ)や降ふぁっでぃまいしーん 溢(あふ)りっでぃぬ地(づー)んな 止(ゆどぅ)みまいしーだな降ふぃどぅー あんしまいどぅ 走(とぅば)っしなうー あんしまいどぅ 止(ゆどぅ)まっでぃまいすーん あんしまいどぅ 走(とぅば)っしなうー あんしまいどぅ 止(ゆどぅ)まっでぃまいすーん 持(む)ちゅう人々(ぴすとぅぬきゃ)あ 食(ふぉ)う分(ぷん)な越(く)いーどぅ 儲(もう)き持(む)たん人々(ぴすとぅぬきゃ)あ やーさん乾(かぁ)き死(す)なっでぃうー 持(む)ちゅう人々(ぴすとぅぬきゃ)あ 一人(たうきゃー)ばーき子(ふふぉ)を産(な)し 持(む)たん人々(ぴすとぅぬきゃ)あ 又どぅ子子(ふふぉ)を産(な)さっでぃうーどー あんしまいどぅ 走(とぅば)っしなうー あんしまいどぅ 止(ゆどぅ)まっでぃまいすーん あんしまいどぅ 走(とぅば)っしなうー あんしまいどぅ 止(ゆどぅ)まっでぃまいすーん あんしまいどぅ 走(とぅば)っしなうー あんしまいどぅ 止(ゆどぅ)まっでぃまいすーん あんしまいどぅ 走(とぅば)っしなうー あんしまいどぅ 止(ゆどぅ)まっでぃまいすーん |
| Reset下地勇 | 下地勇 | 下地勇 | 下地勇 | | 捜(とぅ)みふぃーる 連(さー)りふぃーる 誰(とー)んまい見いらいん 見いらいん我(ば)ぬう 暗闇(ふふぁやんむ)ん 一(ぴてぃ)つぬ 明(あ)かりぬ 見いらいうー 呼(あ)びりゅう 貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう 捜(とぅ)みふぃーる 抱(かふた)きふぃーる 今消(んなまけー)りー 消(けー)りーぴす゜我(ば)ぬう 憎(にた)んむう 見いふぃーな 我(ば)がどぅ 見いらいんふなりば 呼(あ)びりゅう 貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう 呼(あ)びりゅう 我(ば)や貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう 呼(あ)びりゅう 我(ば)や貴方(うう゛ぉ)を 呼(あ)びりゅう いつまい 呼(あ)びりゅう 呼(あ)びりゅう |
| 雨ざらしの椅子下地勇 | 下地勇 | 下地勇 | 下地勇 | | 震(ふう)りー 雨(あみ)ん濡(ん)み座(び)し゜ゅう 投(てぃう)う゛ぃ捨(し)てぃれーうー 朽(ふた)てゅう椅子ぬ上(わーぎ) すーうう゛ぃ 香(か)ざぁ ひーどぅ 魚(いす゜)う 売う゛ぃ歩(あす゜)きゅう声響(くいとぅゆ)んむ トゥリバリー ノーユー ミイウー? マユヌ ミーン ユーヌ パティヌ ウツリードゥ 枯(さ)り木(き)ぬ路(んつ)ん 世果報(ゆがふ)ぬ 落(う)てぃうたー 怯(おう)み 踏みぴす゜ 影(かぎ)ぬあたー 凪(とぅり) いつがーら見いたー夢(いみ) 混乱(どぅまうう゛ぃ)ぬ彼方んかい歩(あす゜)きーぴす゜馬車 うすみー 歩(あす゜)き゜馬(ぬーま) 背(くさんみ)ん担(くん)ぎゅう物(むぬ)や “昨日(ぎぬ)” アパナキ ノーユー ミーウー? ガラサヌ ミーン ユーヌ ヤンムヌ ウツリードゥ かぬ屋敷(やすき゜)ん 世(ゆー)ぬ和合(わごう)ぬ込(く)みれいうー 未(んな)だ 誰(とー)まい 行きゃーみーん 枯(さ)り木(き)ぬ路(んつ)ん 世果報(ゆがふ)ぬ 落(う)てぃうたー 怯(おう)み 踏みぴす゜ 影(かぎ)ぬあたー かぬ傘(さな)ん 世(ゆー)ぬ欲(ゆく)ぬ隠(かっ)ふぃーうー あかりんてぃや うぃがつみゃーな ゆぎらっふぁにゃーん土産(つとぅ)ん 世(ゆー)ぬ運命(うんみ)ぬ入(ぱす゜)し゜ゅうたー 投(てぃう)う゛ぃ うす゜けー 見いらいんふなりゅー |
| AKATZ下地勇 | 下地勇 | 下地勇 | 下地勇・上地一也 | | 父母(うやんま)ぬ子(ふふぁ)ぬ産(ん)まり うぬまた子(ふふぁ)ぬ産(ん)まり 父母(うやんま)ぬうぬ父母(うやんま)ぬ またうぬ父母(うやんま)ぬどぅうたー 父母(うやんま)ぬ子(ふふぁ)ぬ産(ん)まり うぬまた子(ふふぁ)ぬ産(ん)まり 血(あかつ)ゆ辿(たどぅ)りみーる 己(どぅー)が血(あかつ)ゆ 血(あかつ)ゆ遡(ぬぶ)りみーる 己(どぅー)が血(あかつ)ゆ 枯(さ)りーぴす゜花(ぱな)ぬ命(んぬつ)から 新種(みす゜さに)がまぬ風(かじ)ん乗(ぬう)り 一切(ぴとぅきし)しぬ種(さに)ぬ芽(み)や出(い)だし 天(てぃん)かいてぃ また伸(ん)びーぴす゜ あしてぃ 遠(あが)た 大地(うぷづー)ぬ深々(ふかーふか)ぬ森(もり)ぬ中ん 汝(うう゛ぁ)が魂(たますぅ)や 戻(むどぅ)り゜ーぴす゜ アイヤー アイヤー アイヤー アイヤー 寄(ゆ)しす゜波(なんむ)あ 血(あかつ)う辿(たどぅ)り がじゃみき゜むぬう 鎮(すず)ましどぅぴす゜ 寄(ゆ)しす゜波(なんむ)あ 身体(どぅー)ぬ舵(かず)う取(とぅ)い 舵(かず)う取(とぅ)い 舵(かず)う取(とぅ)い 舵(かず)う取(とぅ)いーどぅ がじゃみき゜心(き゜む)う 沈(すず)ましーどぅぴす゜ アーアー 寄(ゆ)しす゜波(なんむ)あ がじゃみき゜むぬう 鎮(すず)ましぴす゜ 沈(すず)ましーどぅぴす゜ 寄(ゆ)しす゜波(なんむ)あ 身体(どぅー)ぬ舵(かず)う取(とぅ)い がじゃみき゜むぬう 沈(すず)ましーどぅぴす゜ |
| 嬉しくなりたい下地勇 | 下地勇 | 下地勇 | 下地勇 | | 植(い)びゅうき゜たーブーキ゜うどぅ今日(きゅう) 薙(な)ぎ゜がまた 家族(やーでぃ)や皆(んーな) 隣(とぅなす゜)まい皆(んーな) 加勢(かしぃ)ゆしーふぃーどぅ うぬ星(ぷす)さ あてぃ大(うぷ)かいば 旅(たびす゜)んまい行かれぐっふぁにゃーん 出(ぱす゛)でぃ行かれす゜場所(とぅくな)ちあんちか 自分達(どぅーた)が畑(ぱり)ばかす゜ プカラッサ アビラディ プカラッサ アビラディ プカラッサ アビラディナー 嬉しくなりたい 嬉しくなりたい 嬉しくなりたいなぁ 毎日(まいにつ)病院かい通(かゆ)いうー 婆(あーま)がどぅ今日(きゅう)や来(くう)ん 「病(や)みうーべーや?」ち とぅんがら婆達(あーまた)が心配(しば)ばし 医者んどぅ訊(き゜)きうー プカラスクトゥ アシブッサ プカラスクトゥ アシブッサ プカラスクトゥ アシブッサヨー 嬉しくなりたい 嬉しくなりたい 嬉しくなりたいなぁ 昨日(き゜ぬ)とぅ同(ゆぬ) 暮らすぬありーどぅ 明日(あつぁ)まい同(ゆぬ) 風(かじ)ん吹かいー うらでぃ プカラッサ アビラディ プカラッサ アビラディ プカラッサ アビラディナー 嬉しくなりたい 嬉しくなりたい 嬉しくなりたいなぁ 薙(な)ぎ゜ぷてぃたーブーギ゜ぬ畑(ぱり)ん また植(い)びがまた 来年(やーに)ぬ豊作(でぃき)う願(にが)いどぅ 土(んと)を足(ぴさ)し踏み肥料(ふふあい)ゆふぃー プカラッサ アビラディ プカラッサ アビラディ プカラッサ アビラディナー 嬉しくなりたい 嬉しくなりたい 嬉しくなりたいなぁ ラーララーララー プカラッサ アビラディ プカラッサ アビラディ プカラッサ アビラディナー 嬉しくなりたい 嬉しくなりたい 嬉しくなりたいなぁ プカラスクトゥ アシブッサ プカラスクトゥ アシブッサ プカラスクトゥ アシブッサヨー 嬉しくなりたい 嬉しくなりたい 嬉しくなりたいなぁ |
| ハイエナの哀しみ下地勇 | 下地勇 | 下地勇 | 下地勇 | | 「木(き)ぬ下(すた)ぬ大雨(うぷあみ)」ち 昔(んきゃー)んどぅ誰(たー)がらーが あーす゜し゜う たーてぃぬ話(ぱなす)さ ゆがかりうらん ゆがかりうらんぎどーり 雨(あみ)う逃(ぴん)ぎ 息(いぎ)さ吹き うすみー入(ぱす゜)し゜ー来(き゜)たー我(ぱ)ぬぅ スタ スタ ち 冷雨(びすぐるあみ)ぬ 濡(ん)ましゅう 渇(かー)きば 前(まうきゃー)ん水(みっず)ぬありゅうちか ぞかたーむぬ 彼(かい)がどぅ持(む)ちゅうたー 水(みっず)ぁ彼(かい)がむぬどぅあたー 空腹(やーさ)ん渇(かー)きゅう動物(いき゜むす)ぬ 何(なう)がら喰(ふぁ)ぁだか死(す)にーぴす゜ん如(ねー)し 我(ぱん)まい渇(かー)き 渇(かー)き 死(す)なっでぃうたー 嘲笑(あま)いふぃーる 汚(ししや)なぎ(ぱ)ぬう ぶじ嘲笑(あま)い 嘲笑(あま)いふぃーる 捨てゅーきふぃーる みーちゃぎ我(ぱ)ぬぅ あにむのーち ぷじ捨てぃうきふぃーる ばーっふぃふぃーる みどぅらいちぬ我(ぱ)ぬぅ ぷじばーっふぃ ばーっふぃふぃーる みっふぁしふぃーる 盗(ぬす)みぴす゜我(ぱ)ぬぅ あにむのーち Oh みっふぁしふぃーる 「木(き)ぬ下(すた)ぬ大雨(うぷあみ)」 何(のー)ばしうすみーうらばんまい 雨(あみ)や我(ぱ)ぬぅ仇(あだ)ぎなり的(まと)をしー 打(ふ)ちーどぅ来(き゜)す 今(んなま)まい大弾(うぷだま)ぬ如落(ぐとぅう)てぃーどぅきしゅう あしてぃ我(ぱ)や汝(うう゛ぉ)を待ちーどぅ ずーっち くまんどぅ待ちー どぅうーすがどぅ 今日(きゅう)まい来(くう)んだらっさ 来(くう)んだらっさ 来(くう)んだらっさ 待ちーどぅうーむぬ 嘲笑(あま)いふぃーる 汚(ししや)なぎ(ぱ)ぬう ぶじ嘲笑(あま)い 嘲笑(あま)いふぃーる 捨てゅーきふぃーる みーちゃぎ我(ぱ)ぬぅ あにむのーち 投(てぃう)う゛ぃ捨てぃうきふぃーる ばーっふぃふぃーる みどぅらいちぬ我(ぱ)ぬぅ ぷじばーっふぃ ばーっふぃふぃーる みっふぁしふぃーる 盗(ぬす)みぴす゜我(ぱ)ぬぅ あにむのーち 汝達(うう゛ぁた)みっふぁしふぃーる |
| アトゥダマ ドゥ ウプダマ下地勇 | 下地勇 | 下地勇 | 下地勇 | | 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 穴埋み かたーき アブぬパタぬ仕事(すぐとぅ) 今(んなま)がみぬ我(ぱ)や あんちぬ人生(んつ)ちゃーん 「今(んなま)ンナリみーる」 「話(ぱなす)さ後(あとぅ)からや」 習(ならぁ)さいたーくとー 耐(んびゃー)いみしす゜くとぅ 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま ありゃーみーん事(くとぅ)ぬ 我(ぱん)かい起(う)くりーにゃーん ありゃーみーん果報(かふう)ぬ 我(ぱん)かいくす゜し゜ーにゃーん 今(んなま)んなりーみるば 赦さでぃ んーな忘(ぱっ)しみしでぃ 当たす゜ぐり者(むぬ)まい 耐(んびゃー)い待ちゅうりばや 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま 後(あとぅ)だまどぅ 大(うぷ)だまどー 後(あとぅ)だまどぅ 大(うぷ)だま |
| ラストワルツ(ストリングス・バージョン)下地勇 | 下地勇 | 下地勇 | 下地勇 | | 幾度(いふん)が汝(うう゛ぁ)とぅDance 踊(ぶどぅ)す゜たーがーら んにゃ二度(ふたん)ちゃ無(にゃー)ん 汝(うう゛ぁ)とぅぬLast Waltz 宿命(さだみ)ぬどぅ二人(ふたーす゜)ゆ 引(ぴす)き゜離(ぱな)しぴす゜ 止(ゆどぅ)まだな 踊(ぶどぅ)らだか 息(いき゜)まいあすかにーどぅー 今宵(くゆい)とぅ同(ゆぬ) 月(つき゜)ぬ夜(ゆない)んな 思(うむ)す゜出(い)だしふぃーる うぬLast Waltz なまじゃーかがみDance 踊(ぶどぅ)りゅうーてぃまい 胸(んに)や締(し)みれいぴす゜ 汝(うう゛ぁ)とぅぬLast Waltz 生き゜でぃ涙(むどぅ)れいちか 汝(うう゛ぉ)を抱(かふた)き゜欲(ぶ)さぬ うぬ想(うむ)いぬ 叶(かな)あんちや 知しうりてぃまいどぅ 今宵(くゆい)とぅ同(ゆぬ) 星(ぶす)ぬ夜(ゆない)んな 思(うむ)す゜出(い)だしふぃーる うぬLast Waltz 星(ぶす)ぬ一(ぴてぃ)つ消(きゃあ)りー 花(ぱな)ぬ一(ぴてぃ)つ落(う)てぃたー 戻(むどぅ)す゜切(き゜)されーん時間(ずかん)だきぬ 歩(あす゜)きぴす情(じょう)や一つ無(にゃー)ん世(ゆー) 乾(かーら)きゅう風(かじ)ん 鐘(かに)ぬ音(にー)や響(とぅゆ)み 何(のー)やーつしーらいん 宿命(さだみ)う担(くん)ぎ 守(まむ)す゜為(たみ)んどぅ 汝(うう゛ぁ)を離(ばな)り 守(まむ)す゜為(たみ)んどぅ 二度(ふたん)ちや出逢(いでぃあ)れーん 二度(ふたん)ちや出逢(いでぃあ)れーん 二度(ふたん)ちや無(にゃー)ん 汝(うう゛ぁ)とぅぬLast Waltz |
| 浜辺の老人下地勇 | 下地勇 | 下地勇 | 下地勇 | | ハイ童(やらび)! 汝何処(うう゛ぁんざ)ぬ家(やー)ぬ子(ふふぁ)が? 我(ぱ)がどぅ かまーぬモクモー木(ぎー)ぬ下(すたーら)から海(いんむ)う眺み うーちか 汝(うう゛ぁ) いつまい決まりーどぅくまん座(び)し゜ゅう てぃどぅ(いす゜ぅ)喰(ふ)ふぁしゅうやー あすが汝(うう゛ぁ)竿(そー)ぬ曲がりうーとぅくのを我(ぱ)や見いたー 事無(くとぅにゃー)んぎなり思(うむ)うすが... あしてぃ いつまい汝(うう゛ぁ)が一人(たふけー)ばーきやい 友達(あぐぬきゃ)あ かまーぬ先(さき゜)ぬ方(かた)んきどぅ うがなーり喰(ふ)ふぁ しうーんぎなりうーすが 汝(うう゛ぁ)ぁいつーまい一人(たふけー)どぅくまん座(び)し゜ゅうやー 太陽(てぃだ)あ憩(ゆく)いどぅぴす゜やー 彼等(かいた)あ竿(そー)ゆ皆畳(んーなたぷ)ぎー家(やー)んかいちぴす゜やい あすが汝(うう゛ぁ)あ粘(にんばー)りくまん座(び)し゜ぃどぅ 竿(そー)ゆ持(む)ちゅうちぬばー き゜さーから見いうーてぃまい 汝(うう゛ぁ)がウキやガウガウ ちまいしーんや暗々(ふふぁーふふぁ)なりーどぅ ウキまい見いれーん のこんさー あがいすつ 喰(ふ)ふぁすとぅ 喰(ふ)ふぁさんとぅどぅ釣りちぬむのー ありゅーちんばや ちぃ 風(かじ)まい出(い)でぃきしゅう アニがどぅ夕飯(ゆうす゜)あ煮(にー)どぅ待ちゅうあらんな? んにゃ家(やー)んかいぴす゜どぅマスあらんな 待ちゅう人(ぴすとぅ)う心配(しば)をしーしみやならんやばやい ぷじ 早々(ぺーべー)ちがまし家(やー)んかいぴりよ 道(んつ)あ暗々(ふふぁーふふぁ)うーば、気や付きぴりに 我(ぱ)やぴらっどー 風(かじ)ぬ中ん消(け)りーぴす゜ 老人(うぃぴすとぅ)ぬ背中(くさんみ)う 風(かじ)ぬ中ん消(け)りーぴす゜ 老人(うぃぴすとぅ)ぬ背中(くさんみ)う 風(かじ)ぬ中ん消(け)りーぴす゜ 老人(うぃぴすとぅ)ぬ背中(くさんみ)う 見いうー人(そー)や 誰(とー)まい みーん 見いうー人(そー)や 誰(とー)まい みーん 誰(とー)まい みーん 誰(とー)まい みーん |
